Sottyń úkimine sáıkes, Tuńǵyshbaı Jamanqulov 189-bap ("Senip tapsyrylǵan bóten múlikti ıemdenip alý nemese talan-tarajǵa salý") boıynsha aıypty dep tanyldy. Ol 7 jyl shartty túrde sottaldy. Sonymen qatar, ol 5 jylǵa basqarýshy qyzmetterdi atqara almaıdy. Raqymshylyqqa baılanysty, Jamanqulovtyń jaza merzimi eki ese qysqartyldy.
Rejıser Talǵat Jánibekov te aıypty dep tanylyp, ol shartty túrde 7 jylǵa sottaldy, ol da bes jylǵa basqarýshy qyzmetterdi atqara almaıdy. Sýdıa onyń bultartpaý sharasyn eshqaıda ketpeý týraly qolhatpen bosatýǵa aýystyrdy.
"Qazaqfılm" AQ burynǵy top-menedjeri Gaýhar Ysqaqova "Laýazymdyq ókilettikterdi teris paıdalaný" baby boıynsha aıypty dep tanyldy. ol 1 jylǵa shartty túrde sottaldy. Ol sot zalynda qamaýdan bosatyldy.
"Fenıks" fılminiń atqarýshy prodúseri Natalá Iýdına jeti jylǵa shartty túrde sottaldy. Raqymshylyqqa baılanysty onyń jazasy 3,5 jylǵa qysqartyldy. Ol ja bes jyl boıy baqsarýshy qyzmetterdi atqara almaıdy.
Kartına redaktory Gızat Sultanov QR Qylmystyq kodeksiniń 189-baby "Senip tapsyrylǵan bóten múlikti ıemdenip alý nemese talan-tarajǵa salý" boıynsha aıypty dep talynyp, bes jylǵa shartty túrde sottaldy.
Jeke kásipker Ilá Korobeınıkov bes jylǵa shartty jaza aldy. Raqymshylyqqa baılanystyń onyń jaza merzimi – 3 jyl 9 aı.
"Fenıks" fılminiń daıyndyq merzimindegi túsirilim tobynyń dırektory Marlen Ábishev bes jylǵa shartty jaza aldy. Raqymshylyq boıynsha, onyń jaza merzimi 3 jyl 9 aı.
Kartınanyń ekinshi rejıseri Bıjan Ábishev múlki tárkilene otyryp, bir jylǵa shartty sottaldy.
Jeke kásipker Danıar Ábdiqadyrov jeti jylǵa shartty jazaǵa kesildi. Sot úkimi ázirshe kúshine engen joq jáne shaǵym túsirilýi múmkin.
Tuńǵyshbaı Jamanqulovtyń advokaty Ǵalıa Narataýaova úkimmen kelispeıtinin jáne qorǵaýyndaǵy azamat aıyppen kelispegendikten úkimge shaǵym túsiretinin aıtty.
Talǵad Jánibekovtiń advokaty Serik Aıtbaev úkimge qanaǵattanatynyn jáne shaǵym túsirmeıtinin málimdedi.
