Almatydaǵy Ál-Farabi kóshesinde úsh adamnyń ólimine ákelgen jarysqa qatysýshylardyń biri politsiia qyzmetkeri bolǵan degen kúdik bar. Bul týraly depýtat Murat Ábenov málimdedi, dep habarlaidy Dalanews.kz.
Zańger Moldahan Ádilethan Almatyda jarysqan bes kóliktiń ishinde politsiia departamenti basshylyǵynyń orynbasarynyń qyzmettik kóligi júrgenin aitady.
"Bir kúnde bir million teńge aiyppul alǵan. Onyń aiyppul salynǵanda júrgen jyldamdyǵyn kórseń... Jalǵan nómirmen júrgen. Bilgenin istep júr. Kólik demalys kúni avtosharýashylyqta turýy kerek. Qandai hattama jazylsa da túnde jeke maqsatta paidalanýǵa bolmaidy. Ony inspektorlar da toqtata almaidy. Buǵan prezident ákimshiligi de, ishki ister ministri de nazar aýdarýy kerek", - deidi zańger.
Eske salaiyq, 21 naýryz kúni Almatydaǵy Ál-Farabi dańǵylynda bolǵan. 009JET memlekettik nómirli Zeekr kóligi qarsy jolaqqa shyǵyp ketip, Mercedes avtokóligimen betpe-bet soqtyǵysyp, jantúrshigerlik jol apaty bolǵan edi. Saldarynan úsh adam oqiǵa ornynda jan tapsyrdy.
Artynsha Almatyda reidtik sharalar kúsheitildi.
