Densaýlyq saqtaý ministri Aqmaral Álnazarova Úkimet otyrysynda elimizdegi JRVI jáne tumaý boiynsha epidemiologiialyq ahýal týraly baiandady, dep habarlaidy Dalanews.kz.
Ol jyl saiyn respýblikada JRVI-diń 3,5 mln jáne tumaýdyń 2 myńǵa deiin oqiǵasy tirkeletinin aitty. Biylǵy epidemiologiialyq maýsym (1 qyrkúiekten beri) bastalǵaly elimizde JRVI-diń 1 mln 461 myń oqiǵasy tirkelgen. Bul 2024-2025 jyldardyń ótken kezeńimen salystyrǵanda 20%-ǵa tómen. Sonyń ishinde 66%-y 14 jasqa deiingi balalar arasynda. Sońǵy aptada respýblikada JRVI-diń 183 myń oqiǵasy tirkeldi, 2024-2025 jyldary ótken epidemiialyq maýsymynyń osyǵan uqsas aptasymen salystyrǵanda aýrý juqtyrǵandar 16%-ǵa artqan.
Epidemiialyq maýsym bastalǵaly beri tumaýdyń zerthanalyq rastalǵan jaǵdaiy – 590, onyń ishinde A tipi (H3N2) – 587 (Qazaqstanda 2001 jyldan beri tirkelip kele jatqan Gonkong tumaýy), A (H1N1) tipi – 3 jaǵdai.
"Biyl tumaý ótken epidemiologiialyq maýsymnan sál erterek anyqtaldy. Buryn Qazaqstan aýmaǵynda ainalymda bolmaǵan tumaýdyń jańa túrleri anyqtalǵan joq. Respýblika boiynsha rinovirýs, paragripp, adenovirýs, bokavirýs, koronavirýs, RS virýsy, metapnevmovirýs ainalymda júrgeni baiqalady. JRVI-diń 66%-y 14 jasqa deiingi balalar arasynda taralǵan", - dedi ministr.
Densaýlyq saqtaý ministrligi málimetinshe, sońǵy aptada respýblikada oqýshylar arasynda JRVI-dyń 6 myńnan astam oqiǵasy tirkelgen.
