دەنساۋلىق ساقتاۋ مينيسترٸ اقمارال ەلنازاروۆا ٷكٸمەت وتىرىسىندا ەلٸمٸزدەگٸ جرۆي جەنە تۇماۋ بويىنشا ەپيدەميولوگييالىق احۋال تۋرالى باياندادى, دەپ حابارلايدى Dalanews.kz.
ول جىل سايىن رەسپۋبليكادا جرۆي-دٸڭ 3,5 ملن جەنە تۇماۋدىڭ 2 مىڭعا دەيٸن وقيعاسى تٸركەلەتٸنٸن ايتتى. بيىلعى ەپيدەميولوگييالىق ماۋسىم (1 قىركٷيەكتەن بەرٸ) باستالعالى ەلٸمٸزدە جرۆي-دٸڭ 1 ملن 461 مىڭ وقيعاسى تٸركەلگەن. بۇل 2024-2025 جىلداردىڭ ٶتكەن كەزەڭٸمەن سالىستىرعاندا 20%-عا تٶمەن. سونىڭ ٸشٸندە 66%-ى 14 جاسقا دەيٸنگٸ بالالار اراسىندا. سوڭعى اپتادا رەسپۋبليكادا جرۆي-دٸڭ 183 مىڭ وقيعاسى تٸركەلدٸ, 2024-2025 جىلدارى ٶتكەن ەپيدەمييالىق ماۋسىمىنىڭ وسىعان ۇقساس اپتاسىمەن سالىستىرعاندا اۋرۋ جۇقتىرعاندار 16%-عا ارتقان.
ەپيدەمييالىق ماۋسىم باستالعالى بەرٸ تۇماۋدىڭ زەرتحانالىق راستالعان جاعدايى – 590, ونىڭ ٸشٸندە ا تيپٸ (H3N2) – 587 (قازاقستاندا 2001 جىلدان بەرٸ تٸركەلٸپ كەلە جاتقان گونكونگ تۇماۋى), ا (H1N1) تيپٸ – 3 جاعداي.
"بيىل تۇماۋ ٶتكەن ەپيدەميولوگييالىق ماۋسىمنان سەل ەرتەرەك انىقتالدى. بۇرىن قازاقستان اۋماعىندا اينالىمدا بولماعان تۇماۋدىڭ جاڭا تٷرلەرٸ انىقتالعان جوق. رەسپۋبليكا بويىنشا رينوۆيرۋس, پاراگريپپ, ادەنوۆيرۋس, بوكاۆيرۋس, كوروناۆيرۋس, رس ۆيرۋسى, مەتاپنەۆموۆيرۋس اينالىمدا جٷرگەنٸ بايقالادى. جرۆي-دٸڭ 66%-ى 14 جاسقا دەيٸنگٸ بالالار اراسىندا تارالعان", - دەدٸ مينيستر.
دەنساۋلىق ساقتاۋ مينيسترلٸگٸ مەلٸمەتٸنشە, سوڭعى اپتادا رەسپۋبليكادا وقۋشىلار اراسىندا جرۆي-دىڭ 6 مىڭنان استام وقيعاسى تٸركەلگەن.
