3 jeltoqsanda elimizdiń 16 oblysynda aýa raıy kúrt nasharlaıdy, dep habarlaıdy Dalanews.kz.

«Qazgıdromet» taratqan aqparatqa sáıkes, birneshe óńirde tuman túsip, kóktaıǵaq paıda bolady, keı jerlerde boran soǵyp, jel kúsheıedi.

Astana, Kókshetaý, Taldyqorǵan, Almaty, Ulytaý, Batys Qazaqstan, Mańǵystaý, Aqtóbe, Qostanaı, Atyraý, Shyǵys Qazaqstan, Pavlodar, Qyzylorda jáne Jambyl oblystarynda tuman kútiledi.

Qaraǵandy, Batys Qazaqstan, Aqtóbe, Qostanaı, Pavlodar jáne Soltústik Qazaqstan óńirlerinde kóktaıǵaq baıqalady.

Aqmola oblysynda túnde jáne kúndiz qarly boran soǵady.

Jambyl oblysynyń taýly aımaqtarynda, sondaı-aq Alakól oıysynda jel jyldamdyǵy sekýndyna 15–20 metrge deıin jetedi.

Óskemen qalasynda aýa sapasynyń tómendeýine baılanysty ekinshi dárejeli qolaısyz meteojaǵdaı týraly eskertý óz kúshinde qalyp otyr.

Sınoptıkter turǵyndarǵa aldaǵy kúnderi aýa raıynyń qubylýyna baılanysty jolda abaı bolýdy jáne qaýipsizdik sharalaryn saqtaýdy eskertedi.