Jastaıynan tigiske epti keıipkerimiz tapsyrysqa ulttyq kıim-keshektermen qosa turmystyq buıymdar tigedi.
Mádına Kúzenbaeva jańa jyldyq kóılek tigip otyr. Mereke qarsańynda tapsyrys ta molynan. Onyń údesinen shyǵýǵa tiginshige sý jańa ámbebap tigin mashınasynyń da kómegi zor.
«Bıznes bastaý» baǵdarlamasyna qatysyp, utyp alǵan qarajatyna ol tigistiń túr-túrine jaraıtyn qurylǵysyn satyp alypty.
Aıta keteıik, Túlkibas aýdany «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasyndaǵy «Bıznes bastaý» jobasyn iske asyrýda kóp aýdanǵa úlgi. 82 turǵyn nesıe alyp, túrli kásippen aınaslysýda. 35 arnaıy sertıfıkat alǵan qatysýshynyń teń jartysy grantqa da qol jetkizipti.
Al Madına Kúzenbaeva munymen de toqtap qalmaq emes. Kásibin keńeıtkisi keledi. Qazir ol múgedek anasyn jumyspen qamtyp otyr. «Kúnnen-kúnge tapsyrys kólemi artyp keletindikten qosymsha jumysshylar qajet» deıdi tiginshi. Túlkibas aýdandyq jumyspen qamtý ortalyǵynyń mamandary onyń sheberhanasyn keńeıtý úshin baǵyt-baǵdar beremiz dep sendirdi.
