Saltanatty sharanyń ashylý saltanatynda alǵy sóz alǵan aýdan ákiminiń orynbasary E.Kúzembaev:
– Elbasymyz N.Á. Nazarbaev 2018 jylǵy 5 qazandaǵy Joldaýynda 2019 jyldy – Jastar jyly dep jariialaǵan bolatyn. Tuńǵysh Prezidentimiz jastardyń búgini men bolashaǵyna qamqorlyq jasaýdy óz saiasatynyń negizgi máni dep sanaidy. Óitkeni, jastar qoǵamnyń bir bóligi retinde memlekette mańyzdy ról atqarady, – dep ákim orynbasary búgingi óz jeke kásibin ashýǵa úlken qadam jasaǵaly turǵan aýdan jastaryna sáttilik tilep, oqý sertifikattaryn tapsyrdy.
Shara barysynda jas kásipkerlerdiń óz qolymen daiyndaǵan buiymdary men taǵamdarynyń kórmesi uiymdastyrylyp, aýdandyq mádeniet úiiniń ónerpazdary tarapynan kontserttik baǵdarlamaǵa ulasty.
Búgingi tańda aýdanda 107 jas «Jas kásipker» oqý kýrstaryn aiaqtap, óz jeke kásibin ashýǵa memleket tarapynan beriletin 505 myń teńge qaitarymsyz grantqa qatysýǵa úmitker bolyp otyr.
Sondai-aq, aýdanda elimizdiń bolashaǵy jastar úshin sapaly bilim alyp, sportpen shuǵyldanýǵa barlyq jaǵdailar jasalynǵan.
Aitalyq, biylǵy jyly Azattyq eldi mekeninen 600 oryndyq jańa mektep bilim kúnine paidalanýǵa berilse, Pýshkin, Breýsov, Shevtsov, Koshevoi, Jambyl, Seslavino, Altynsarin mektepterine kúrdeli jóndeý men qosymsha korpýs qurylystary júrýde. Budan basqa Sastóbe kentinen 240 jas bir mezette sporttyń alýan túrimen shuǵyldanýǵa baǵyttalǵan sport kesheni ashylsa, aýdan ortalyǵyndaǵy sport mektebi jańynan jańa kúres zaly men «Jankent» móltek aýdanynan sý jańa kishi fýtbol alańy, «Strit vorkaýt» jáne balalarǵa arnalǵan oiyn alańshalary aýdan jastarynyń igiligine paidalanýǵa berilmek.
«Biz senderdiń bilikti maman, bolashaǵy jarqyn otanshyl azamat bolyp ósýleriń úshin barlyǵyn jasap kelemiz» degen Elbasymyzdyń elimizdiń jastaryna aitqan naqyl sózi, Túlkibas aýdanynda atqarylyp jatqan jumystarmen ispettes.
Baqytjan IMANBAEV
