Túlkibastyń ónerkásibi órkendep keledi
Óńirdegi ónerkásiptiń aýdan ekonomikasyndaǵy mańyzy orasan zor. Jumyspen qamtylǵan halyqtyń 11,7 paiyzy osy salada qyzmet etedi. Al jalpy óńirlik ónim qurylymyndaǵy bul salanyń úlesi 26paiyzdy quraidy. Qazirgi tańda aýdanda 1 iri, 4 orta, 23 kishi jáne 4 qosalqy, barlyǵy 32 kásiporyn jumys atqarýda. Olar negizinen tamaq ónerkásibinde, qurylys materialdary ónimderin jáne ken óndirý salasynda shoǵyrlanǵan. Osy kásiporyndar jyl basynan beri 4 milliard 811,7 million teńgeniń ónimin óndirip, naqty kólem indeksi 104,5 paiyzdy qurady.
Údemeli indýstriialyq-innovatsiialyq damý memlekettik baǵdarlamasynyń sheńberinde Túlkibas aýdanynda 2010-2018 jyldar aralyǵynda jalpy quny 1 milliard 730 million teńgeni quraityn tórt joba iske asyryldy. Aldaǵy ýaqytta indýstriialandyrý kartasy aiasynda 31,3 milliard teńgege baǵalanatyn 4 jańa jobanyń iske qosylýy josparlanyp otyr.
Dalanews.kz
