Túlkibasta «Táýelsizdik tuǵyrym» atty jastar forýmy ótti
Túlkibas aýdandyq «Jastar resýrstyq ortalyǵy» KMM-niń uiymdastyrýymen «Táýelsizdik tuǵyrym» atty Túlkibas aýdany jastarynyń forýmy ótti.
Elimizde ulttyq deńgeide memlekettik jastar saiasatynyń júieli zańnamalyq tuǵyryn qalyptastyrý, jastar saiasatynyń institýttaryn jetildirý jáne osy saladaǵy ministrlikterdiń salaaralyq úilestirilýin qamtamasyz etý sharalary qolǵa alynǵan bolatyn. Osyǵan bailanysty, jastardyń qoǵamdyq-saiasi protsesterge tolyqqandy qatysýy, memleket pen qoǵamnyń damýy úshin, jalpy alǵanda, mańyzdy bolyp turǵany belgili. Sonymen qatar, jastardyń qurylymy jaǵynan halyqtyń kúrdeli áleýmettik-demografiialyq tobyn quraitynyna jiti nazar aýdarý qajet. Osy tuǵydan alǵanda, jastar ártúrli múddeleri men qajettilikteri bar alýan áleýmettik toptardyń jiyntyǵy. Osy atalǵan máseleler Túlkibas aýdanda ótken alqaly basqosýda keńinen sóz boldy.
– Jastardyń birizdi ári eptep qoǵamdyq-saiasi salaǵa tartylýy orasan zor mańyzdy dep esepteimiz. Óitkeni, jastardyń saiasatqa aralasýy belgili bir dárejedegi jastardyń aldyn-ala shyńdalýyn talap etedi. Óz kezeginde, jastardy qoǵamdyq-saiasi ómirge daiyndaý memlekettiń jastar saiasatyna bailanysty bolyp tur, – dep forýmǵa qatysqan belsendiler oilaryn ortaǵa saldy.
Forýmdy Túlkibas aýdany ákiminiń orynbasary E.Kýzembaev ashyp berip, jyldyń «Úzdik jastaryn» aýdan ákiminiń «Alǵys hatymen» marapattady. Marapat-marapatqa jalǵasyp aýdandyq máslihat hatshysy S.Seisenbaev jáne «Nur Otan» partiiasy Túlkibas aýdandyq filialy tóraǵasynyń birinshi orynbasary A.Nuranov aýdanymyzda jastar saiasatynyń damýyna úles qosýda belsendilik tanytqan jastarymyzdy quttyqtap, arnaiy «Alǵys hattarymen» marapattady. Kesh sońy kontserttik baǵdarlamaǵa ulasyp, aýdanymyzdyń ónerli jastary óner kórsetti.
