Jańa ákimdi aýdan aktivine oblys ákimi tanystyryp, jumysyna sáttilik tiledi. Aldaǵy ýaqytta júzege asyrýdy qajet etetin birqatar mańyzdy jobalarǵa baǵyt berdi.
Túlkibas aýdanynyń ákimi qyzmetin úsh jyl atqaryp kelgen Baiǵut Nurlan Marhabatuly qyzmetinen bosatyldy.
– El Prezidenti Qasym-Jomart Kemeluly jergilikti ákimderge qazirgi zaman talabyna sai jańa talaptar qoiýda. Onyń bastysy – turǵyndardyń suraqtaryn sapaly, ýaqtyly sheshý. Ákimder jańa formatta, turǵyndarmen tikelei bailanysta jumys isteýi kerek.
Ózderińiz bilesizder, jýyrda Memleket basshysynyń qatysýymen elimizdiń áleýmettik-ekonomikalyq damý máseleleri jónindegi keńeitilgen keńes ótip, Prezidentimiz damý baǵyttaryn aiqyndady. Osy baǵyttaǵy jumystarǵa kúsh salamyz.
Túlkibas – oblysymyzdaǵy áleýeti joǵary aýdandarynyń biri. Aýdandaǵy eldi mekenderdiń basym bóligi injenerlik infraqurylymmen qamtamasyz etilgen. Jańadan taǵaiyndalǵan aýdan ákimine aýdannyń ekonomikalyq ósimin qamtamasyz etý boiynsha naqty jospar ázirleýdi, investitsiia tartyp, jańa óndiris oryndaryn ashýdy, aýdan turǵyndaryn jumyspen qamtamasyz etýdi, óndiriletin ónim kólemin arttyrý boiynsha jumystardy júrgizýdi, týrizm indýstriiasyn damytýdy tapsyramyn.
Basty maqsat – aýdannyń áleýmettik - ekonomikalyq damýyn qamtamasyz etý, turǵyndardyń ómir súrýine qolaily jaǵdai jasaý. Aýyl, eldi mekenderimiz jaily, qaýipsiz ári taza bolýy qajet, – dedi Darhan Satybaldy.
Nurjan Iztileýov 1975 jyly Ońtústik Qazaqstan oblysynda týǵan. Bilimi joǵary.
Ońtústik Qazaqstan tehnikalyq ýniversitetin halyqaralyq ekonomikalyq qatynastar mamandyǵy boiynsha bitirgen.
Eńbek jolyn Halyq Jinaq Bankiniń Ońtústik Qazaqstan oblystyq filialynda bastap, Jambyl oblystyq filialynda bólim bastyǵy jáne Túlkibas, Maqtaaral aýdandyq filialdarynyń bastyǵy bolǵan. Sonymen qatar «Ekspress Bank», «ATF Bank» aktsionerlik qoǵamdarynyń Shymkent qalasyndaǵy filialdarynda basshylyq qyzmetter atqarǵan.
Túlkibas aýdany, Kemerbastaý aýyldyq okrýginiń ákimi jáne alty jyl Túlkibas aýdany ákiminiń orynbasary bolyp qyzmet atqardy.
Túrkistan oblysynyń bilim basqarmasy basshysynyń orynbasary bolǵan.
2020-shy jyldan búgingi kúnge deiin Túrkistan oblysynyń tabiǵi resýrstar jáne tabiǵat paidalanýdy retteý basqarmasy basshysynyń orynbasary bolyp qyzmet atqardy.
