Bıyl Túlkibas aýdanynda 34,6 shaqyrym jol jóndelýde. Jyl sońynda jóndeý jumystary tolyq aıaqtalyp paıdalanýǵa berilmek, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Aýdan ortalyǵyndaǵy kósheler de jaqsarýda. Máselen, ortalyqtaǵy 18,3 shaqyrym jol «Aýyl – El Besigi» baǵdarlamasymen júzege asýda. T.Rysqulov eldi mekenindegi 5 kóshe men Kókjaılaý jáne Jankent móltek aýdandarynyń kóshelerine aǵymdaǵy jóndeý jumystary júrgizilip jatyr. Sonymen qatar, turǵyndardyń túngi ýaqytta júrip-turýyna yńǵaıly jaǵdaı jasaý maqsatynda túngi jaryqtandyrý shamdary ornatylýda.

Jol jóndeý jumystarynyń qarqyny men sapasyn baqylaý maqsatynda aýdan basshysy Nurlan Baıǵut arnaıy aralap kórdi. Keı kóshelerde atqarylyp jatqan jumystarǵa tómen baǵa berip, jaýapty merdiger mekemeni synǵa aldy. Jóndeý jumystary júrip jatqan barlyq nysannyń sapaly bolýyn ári merziminde aıaqtalýyn qatań baqylaýda ustaýdy eskertti.