– Keshe tirkelmegen dempartiianyń jetekshisimin dep júrgen Janbolat Mamaidyń sot sheshimin oryndamaǵany úshin onyń kólik júrgizý quqyǵyn sot oryndaýshysynyń usynysy boiynsha shekteý zańdy emes dep jazǵan áleýmettik jelidegi postymen tanystym.
Eskerte keteiin, osy máselege qatysty sot protsesi áli ótken joq. Mamaidyń aqparatyna sensek sot 16 qarasha kúni ótedi eken. Jalpy osy jerde Mamai sot oryndaýshysynyń áreketin zańsyz dep jar salýda. Biraq bul túbegeili qate paiym. Atqarýshylyq is júrgizý jáne sot oryndaýshylarynyń mártebesi týraly zańda sot oryndaýshysynyń osy jaǵdaidaǵy is-áreketi tolyqtai belgilengen, – dep jazdy Aqylbai.
Zańgerdiń sózinshe, sot usynysty zańnamada belgilengen tártippen qaraidy. Ári bul protseste zań buzýshylyq týraly birde-bir fakti joq .Sondai-aq sot oryndaýshysynyń nelikten Mamaidyń kólik júrgizý quqyǵyn shekteý boiynsha sotqa júgingenin túsindirdi.
– Mamaidyń Baibekten sotta jeńilgenin bilesizder. Mamai sol sot sheshimin áli de tolyǵymen oryndaǵan joq. Apelliatsiia ótkennen keiin 3 aidan astam ýaqyt ótse de, Mamai Baibek týraly jalǵan dep tanylǵan materialdardy joqqa shyǵarmai, ornalastyrǵan jerlerinen joiǵan joq. Bul quqyqtyq memlekette oryndalýy tiis zańdy protsess. Biraq áli kúnge deiin sot sheshimi oryndalǵan joq. Osy oraida sot oryndaýshysy ózine zańmen belgilengen ókilettigine sáikes áreket etýde, – dep qosty ol.
Sonymen birge zańger jaýapkerler sot sheshimin oryndamaǵan jaǵdaida májbúrlep oryndatýdyń basqa qadamdary baryn eskertti. Máselen, sot sheshimin óz erkimen oryndaý ýaqyty 6 aidan asyp ketetin bolsa, onda sot oryndaýshysy Qylmystyq kodeks baptaryna júgine otyryp, Mamaidy jalpy sany 800 saǵat bolatyn qoǵamdyq jumystarǵa tartý, tipti 3 jylǵa deiin bas bostandyǵyn shekteý, bolmasa 3 jylǵa deiin bas bostandyǵynan aiyrý týraly da usynys bere alady.
– Munyń bári, Mamai bolsyn, taǵy basqa azamat bolsyn, sol zańdy sot sheshimin májbúrlep oryndatý úshin zańda qarastyrylǵan barlyǵyna birdei talaptar. Mundai qadamdar sot sheshimi tolyq oryndalǵanǵa deiin jalǵasa beredi. Mamai bolsa ózin oppozitsioner sanap, quqyq qorǵaýda salasynda ózin bilgish kórsetip, búkil Qazaqstanǵa tek bos áńgime taratýda. Quqyqtyq memleket quraiyq deidi, biraq ózi zańǵa baǵynbaidy. Bul netken ekijúzdilik? – dep jazdy Serik Aqylbai.
