Kúni keshe AQSh-tyń Pensilvaniia shtatynda sailaýaldy talqylaýlar kezinde sóz sóilep jatqan Donald Trampqa qastandyq jasaldy. Belgisiz bireý eks-prezidentke qarai oq atyp, saldarynan Tramptyń qulaq tusyna oq tigen. Keminde bir adam qaza tapty, - dep habarlaidy Dalanews.kz.
Oqiǵa sailaýǵa qatysyp jatqan Donald Tramp el aldynda sóz sóilep jatqan kezde bolǵan. Bir kezde oq atylyp, eks-prezident birden tribýnanyń artyna tyǵyla ketti. Atys aiaqtalǵan kezde Tramptyń kúzetshileri ony qorshap, sahnadan alyp ketedi. Videolarda Tramptyń qulaǵy men beti qansyraǵanyn kórýge bolady.
Artynsha prezidenttikke kandidat Trampty kim atqany belgili boldy. Ol 20 jastaǵy amerikalyq - Tomas Metiý Krýks bolyp shyqqan. Krýks respýblikalyqtar tiziminde bolǵan. Ol Pensilvaniia shtatyndaǵy Betel-Park qalasynda turǵan.
Krýks Donald Tramp sóilep turǵan sahnaǵa jaqyn shatyrda turǵan. Ol Trampqa qastandyq jasaǵannan keiin qupiia qyzmet snaiperleri ony atyp óltirgen. Artynsha Krýks jatqan jerde AR vintovkasy tabylǵan.
Tomas Metiý Krýks Trampty ne úshin atyp óltirmek bolǵany belgisiz. New York Post málimetinshe, Federaldy tergeý basqarmasy (FBR) Krýksty Trampqa jasalǵan qastandyqqa qatysy bar dep resmi málimdegen.
SHOT telegram arnasynyń málimetinshe,keibir adamdar Krýkstyń shatyrda júrgenin qastandyq jasalardan buryn da baiqaǵan. Olar Qupiia qyzmet pen politsiia qyzmetkerlerine eskertýge tyrysqanymen kýágerlerge eshkim mán bermegen kórinedi.
Oq Tramptyń qulaǵyna tigen. Alaida qazir eks-prezidenttiń jaǵdaiy táýir kórinedi. Sebebi onyń kómekshisi áleýmettik jelide Tramptyń ushaq trapynan túsip kele jatqan videosyn salǵan.
