AQSH prezıdenti Donald Tramp Reseı prezıdenti Vladımır Pýtınmen Býdapeshtte ótedi dep josparlanǵan kezdesýdi boldyrmaı tastaǵanyn málimdedi, dep habarlaıdy Dalanews.kz.

Málimdeme Vashıngtonda jasaldy

Bul týraly Tramp NATO bas hatshysy Mark Rúttemen Vashıngtondaǵy kezdesý kezinde aıtty.

«Maǵan bul kezdesýden qalaǵan nátıjege jete almaıtynymyz anyq boldy. Sol sebepti kezdesýdi toqtattym. Biraq bolashaqta ony mindetti túrde ótkizemiz», – dedi AQSH prezıdenti Aq úıdegi brıfıń barysynda.

Aldyn ala kelisim jáne jańa sanksıalar

Eske salaıyq, buǵan deıin, 16 qazandaǵy telefon áńgimesi kezinde Tramp pen Pýtın Býdapeshtte jeke kezdesý ótkizýge kelisken bolatyn.

Sonymen qatar, AQSH Qarjy mınıstrligi Reseıge qarsy sanksıalardy kúsheıtkenin habarlady. Shekteýler «Rosneft» jáne «Lýkoıl» sıaqty Reseıdiń eki iri munaı kompanıasyna engizildi.

Buǵan deıin Pýtınniń Býdapeshtke josparlaǵan sapary qıyndaı túskenin habarlaǵan edik. Buǵan Eýropa elderiniń birinen soń biri Pýtınniń kelýine qarsy shyǵýy sebep bolǵan.