اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن بۋداپەشتتە وتەدى دەپ جوسپارلانعان كەزدەسۋدى بولدىرماي تاستاعانىن مالىمدەدى، دەپ حابارلايدى Dalanews.kz.
مالىمدەمە ۆاشينگتوندا جاسالدى
بۇل تۋرالى ترامپ ناتو باس حاتشىسى مارك ريۋتتەمەن ۆاشينگتونداعى كەزدەسۋ كەزىندە ايتتى.
«ماعان بۇل كەزدەسۋدەن قالاعان ناتيجەگە جەتە المايتىنىمىز انىق بولدى. سول سەبەپتى كەزدەسۋدى توقتاتتىم. ءبىراق بولاشاقتا ونى مىندەتتى تۇردە وتكىزەمىز»، – دەدى اقش پرەزيدەنتى اق ۇيدەگى بريفينگ بارىسىندا.
الدىن الا كەلىسىم جانە جاڭا سانكسيالار
ەسكە سالايىق، بۇعان دەيىن، 16 قازانداعى تەلەفون اڭگىمەسى كەزىندە ترامپ پەن پۋتين بۋداپەشتتە جەكە كەزدەسۋ وتكىزۋگە كەلىسكەن بولاتىن.
سونىمەن قاتار، اقش قارجى مينيسترلىگى رەسەيگە قارسى سانكسيالاردى كۇشەيتكەنىن حابارلادى. شەكتەۋلەر «روسنەفت» جانە «لۋكويل» سياقتى رەسەيدىڭ ەكى ءىرى مۇناي كومپانياسىنا ەنگىزىلدى.
بۇعان دەيىن ءپۋتيننىڭ بۋداپەشتكە جوسپارلاعان ساپارى قيىنداي تۇسكەنىن حابارلاعان ەدىك. بۇعان ەۋروپا ەلدەرىنىڭ بىرىنەن سوڭ ءبىرى ءپۋتيننىڭ كەلۋىنە قارسى شىعۋى سەبەپ بولعان.
