AQSh prezidenti Donald Tramp Resei basshysy Vladimir Pýtin men Ýkraina prezidenti Vladimir Zelenskiige qatysty syni pikir bildirdidep habarlaidy Dalanews.kz.
Truth Social jelisinde ol: «Ol esinen adasty. Kinásiz adamdardy, sonyń ishinde sarbazdardy da sebepsiz óltirip jatyr. Ýkraina qalalaryn zymyrandarmen jáne drondarmen negizsiz atqylap jatyr» dep jazdy.
Tramptyń pikirinshe, Pýtin Ýkrainany tolyq basyp alýdy kózdeidi, biraq munyń saldary Reseidi kúireýge alyp kelýi múmkin. Sonymen qatar, ol Reseige qarsy sanktsiialardy kúsheitý jaǵyn da qarastyryp jatqanyn aitty.
AQSh basshysy Ýkraina prezidenti Vladimir Zelenskiidiń áreketterine de narazy ekenin jasyrmady. «Onyń árbir sózi jańa máseleler týǵyzady. Bul maǵan unamaidy. Muny doǵarǵany jón bolar edi», – dedi Tramp.
Aita keteiik, 25 mamyrǵa qaraǵan túni Resei Ýkrainaǵa jappai shabýyl jasady: keminde 300 dron men 70 zymyran ushyrylǵan. Shabýyl saldarynan 12 adam qaza taýyp, ondaǵan adam jaralandy. Reuters agenttigi bul shabýyldy soǵys bastalǵaly Ýkrainaǵa dronmen jasalǵan eń aýyr soqqy dep atady.
