AQSH-tyń Aláska shtatynda 16 tamyzǵa qaraǵan túni Donald Tramp pen Vladımır Pýtınniń kelissózderiniń qorytyndysy jarıalandy, dep habarlaıdy Dalanews.kz.
AQSH prezıdenti Donald Tramp 15 tamyzda Ankorıdjdegi áskerı bazanyń ushý alańynda Reseı basshysy Vladımır Pýtındi ózi kútip aldy. Aldymen Aláskaǵa Tramptyń ushaǵy qondy, ile-shala Pýtın de jyldam jetken.
Kóp uzamaı Aq úıdiń baspasóz hatshysy Karolın Lıvıtt prezıdentterdiń jeke kezdesýi josparlanǵandaı emes, eki el kóshbasshylarynyń keńesshileri qatysatyn formatta bolatynyn málimdedi. Onyń aıtýynsha, Trampqa memlekettik hatshy Marko Rýbıo men arnaıy ókil Stıv Ýıtkoff qosylady. Al Pýtınge Reseı syrtqy ister mınıstri Sergeı Lavrov pen prezıdent kómekshisi Iýrıı Ýshakov erip júredi. Bul – eki el prezıdentteriniń 2019 jyldan bergi alǵashqy betpe-bet kezdesýi.
Budan keıin qos prezıdenttiń tarıhı kelissózderi shaǵyn quramda bastalyp ketti. Ol 2 saǵat 45 mınýtqa sozyldy.Qos tarap ta kelissózder aldynda baspasóz aldyna shyqpady.
16 tamyzǵa qaraǵan túngi Aláskadaǵy kezdesýden keıin Reseı jáne AQSH prezıdentteri birlesken baspasóz máslıhatyn ótkizdi.
RIA Novostıdiń habarlaýynsha, prezıdentter jabyq kelissózderdiń egjeı-tegjeıine toqtaldy.
Pýtın óziniń kirispe sózinde Tramppen telefon arqyly áńgimesi ashyq bolǵanyn aıtyp, Reseı Tramp ákimshiliginiń Ýkraına daǵdarysyn sheshýge atsalysýshy umtylysyn baıqap otyrǵanyn da jetkizdi.
"Reseı men AQSH basshylarynyń dıalogy pisip-jetildi, bet alysty baıqap, qadam alysty ańdýdan áldeqashan aýlaqtap, dıalogqa kóshý kerek edi", - dedi Pýtın.
Onyń aıtýynsha, Reseı Ýkraına qaqtyǵysyn toqtatýǵa jáne onyń uzaq merzimdi sıpatqa ıe bolýyna shyn júrekten múddeli.
Sondaı-aq, Reseı basshysy Reseı men AQSH-tyń birlese jumys isteýi úshin kóptegen tartymdy baǵyttar bar ekenin aıtty. Reseı tarapy Kıev qaqtyǵysty sheshýde júzege asýy tıis progreske kedergi bolmaıdy dep sanaıdy.
Sondaı-aq, Pýtın Trampqa ózine senim artqany úshin alǵys aıtty.
"Eki taraptyń da Reseı-AQSH samıtinde nátıjege qol jetkizýge degen umtylys boldy", – dedi Pýtın.
- Reseı Ýkraınanyń qaýipsizdigin qamtamasyz etý kerektigimen kelisedi ári osy baǵytta jumys isteýge daıyn, - dedi Pýtın.
- Reseı Federasıasy prezıdentiniń aıtýynsha, joǵarǵy deńgeıdegi Reseı-Amerıka kezdesýleri 4 jyldan astam ýaqyt boıyna ótkizilmegen, bul - uzaq merzim.
- Pýtın Tramppen bolǵan kelissózderde qol qoıylǵan kelisimder Reseı men AQSH-tyń iskerlik jáne pragmatıkalyq qarym-qatynastaryna súrleý jol salady dep málimdedi.
- Reseı men Aláskany Berıng buǵazy ǵana bólip jatyr, sondyqtan bizder jaqyn kórshi eldermiz, - dedi Pýtın.
- Taraptardyń Reseı men AQSH arasyndaǵy qarym-qatynas qyrǵı-qabaq soǵystan keıin alǵash ret eń tómengi deńgeıge quldyrady, ázirge kóshbasshylar arasynda tikeleı baılanys bolmady degen pikirde oılary bir jerden shyqty.
Amerıka prezıdenti Pýtınmen Ýkraına problematıkasynyń "kóptegen tarmaqtaryn" úılestire alǵanyn, biraq birqatar tarmaqtar boıynsha áli kelisimderge qol jetkizilmegenin jáne Reseı kóshbasshysymen osy máselelerge qatysty "óte jaqynda" sóılesetinderin aıtty.
- Tramp Máskeýge barýy múmkin ekenin jetkizip, bul shaqyrýdy "qyzyqty" dep atady.
- AQSH prezıdenti Reseı men Ýkraınanyń ózara kelisimge kelýde "jaqsy múmkindigi" baryn, biraq "mámile áli daıyn emes" ekenin aıtty.
- Amerıka Qurama Shtattarynyń prezıdenti Donald Tramp Reseı tarapy ózine Kıev qabyldaýǵa kelisýi kerek ýkraın áskerı tutqyndarynyń 1000-ǵa jýyq tizimin bergenin aıtty.
Pýtın men Tramptyń baspasóz konferensıasynda jýrnalıserdiń suraqtaryna jaýap berilmeı, tez aıaqtaldy.
Reseı prezıdenti Vladımır Pýtınmen kelissózderden keıin Fox News-ke bergen suqbatynda Tramp Máskeýmen kelisimge kelý Ýkraınadaǵy jaǵdaı sheshiminiń kilti bolýy múmkin ekenin atap ótti. Sol sebepti ol Zelenskııdiń Reseımen kelissózder júrgizýdi qarastyrýy kerektigin atap ótti.
Tramp Zelenskııge Reseımen kelisim jasasýǵa keńes bere otyryp: "Reseı - óte úlken derjava. Reseıdiń úlken ıadrolyq áleýeti bar jáne ony eskerý qajet", - dedi.
AQSH prezıdentimen sóılesken Zelenskıı "atysty sózsiz toqtatý" jáne ýkraın áskerı tutqyndaryn bosatý qajettiligin jetkizgen.
