AQSh prezidenti Donald Tramptyń ákimshiligi USAID-ke (AQSh-tyń halyqaralyq damý agenttigi) qatysty málimdeme jasady, dep habarlaidy Dalanews.kz.
Resmi málimetterge sáikes, basqa elderge kórsetiletin kómek týraly kelisimsharttardyń 90 paiyzyn joiylmaq. Bul sheshim amerikalyq kómektiń jalpy kólemin shamamen 60 milliard dollarǵa qysqartýǵa ákeledi.
“Tramp ákimshiligi USAID-tiń 6200 kelisimshartynyń 5800-in toqtatyp, osylaisha shyǵyndy 54 milliard dollarǵa azaitatynyn málimdedi. Sondai-aq, Memlekettik departamenttiń 9100 grantynyń 4100-i jabylady, bul qarjylandyrýdy 4,4 milliard dollarǵa qysqartady”, — delingen habarlamada.
Nátijesinde USAID-tiń birneshe ǵana jobasy saqtalýy múmkin.
Bul ózgeristerge bailanysty USAID kelisimsharttary boiynsha qaryzy bar úkimettik emes uiymdar sotqa júgingen. Olardyń qujattarynda Tramp pen Ilon Masktyń komandasy USAID kelisimderin buzǵany týraly jazylǵan.
Tramp ákimshiligi bul sheshimniń federaldy sottyń sheshimine bailanysty qabyldanǵanynhabarlady. Sot 26 aqpanǵa deiin qarjylandyrýdyń bir ailyq buǵattalýyn alyp tastaýdymindettegen.
Buǵan deiin USAID qyzmetkerleriniń jappai qysqartylyp jatqany týraly aqparat taraǵan edi. AQSh úkimetiniń resmi málimetine súiensek, tek mańyzdy mindetterdi atqaratyn negizgi basshylyq quram men arnaiy baǵdarlamalarǵa jaýapty mamandardan basqa barlyq qyzmetker ákimshilik demalysqa jiberilgen.
