اقش پرەزيدەنتى دونالد ترامپتىڭ اكىمشىلىگى USAID-كە (اقش-تىڭ حالىقارالىق دامۋ اگەنتتىگى) قاتىستى مالىمدەمە جاسادى، دەپ حابارلايدى Dalanews.kz.
رەسمي مالىمەتتەرگە سايكەس، باسقا ەلدەرگە كورسەتىلەتىن كومەك تۋرالى كەلىسىمشارتتاردىڭ 90 پايىزىن جويىلماق. بۇل شەشىم امەريكالىق كومەكتىڭ جالپى كولەمىن شامامەن 60 ميلليارد دوللارعا قىسقارتۋعا اكەلەدى.
“ترامپ اكىمشىلىگى USAIDء-تىڭ 6200 كەلىسىمشارتىنىڭ 5800ء-ىن توقتاتىپ، وسىلايشا شىعىندى 54 ميلليارد دوللارعا ازايتاتىنىن مالىمدەدى. سونداي-اق، مەملەكەتتىك دەپارتامەنتتىڭ 9100 گرانتىنىڭ 4100ء-ى جابىلادى، بۇل قارجىلاندىرۋدى 4،4 ميلليارد دوللارعا قىسقارتادى”، — دەلىنگەن حابارلامادا.
ناتيجەسىندە USAIDء-تىڭ بىرنەشە عانا جوباسى ساقتالۋى مۇمكىن.
بۇل وزگەرىستەرگە بايلانىستى USAID كەلىسىمشارتتارى بويىنشا قارىزى بار ۇكىمەتتىك ەمەس ۇيىمدار سوتقا جۇگىنگەن. ولاردىڭ قۇجاتتارىندا ترامپ پەن يلون ماسكتىڭ كومانداسى USAID كەلىسىمدەرىن بۇزعانى تۋرالى جازىلعان.
ترامپ اكىمشىلىگى بۇل شەشىمنىڭ فەدەرالدى سوتتىڭ شەشىمىنە بايلانىستى قابىلدانعانىنحابارلادى. سوت 26 اقپانعا دەيىن قارجىلاندىرۋدىڭ ءبىر ايلىق بۇعاتتالۋىن الىپ تاستاۋدىمىندەتتەگەن.
بۇعان دەيىن USAID قىزمەتكەرلەرىنىڭ جاپپاي قىسقارتىلىپ جاتقانى تۋرالى اقپارات تاراعان ەدى. اقش ۇكىمەتىنىڭ رەسمي مالىمەتىنە سۇيەنسەك، تەك ماڭىزدى مىندەتتەردى اتقاراتىن نەگىزگى باسشىلىق قۇرام مەن ارنايى باعدارلامالارعا جاۋاپتى مامانداردان باسقا بارلىق قىزمەتكەر اكىمشىلىك دەمالىسقا جىبەرىلگەن.
