Barlyǵy kitaphana úlgisimen qaıta jabdyqtaldy. Aýdannyń kásipkerleri bilim salasyna qaıyrymdylyq jasap, pandemıa bastalǵaly toqtaǵan toıhanadardyń jumysyn basqa salaǵa burýda.
Saıram aýdanynyń ákimi Ulasbek Sádibekulynyń bastamasymen Qazaqstan Respýblıkasy Táýelsizdiginiń 30 jyldyǵyna oraı, «Aýyl – el besigi» jobasy aıasynda demeýshiler esebinen úsh jańa kitaphana ashyldy.
Máselen, Qarasý aýylynda jeke kásipker Baıseıit Jamalbekov jeke keńsesin syıǵa tartqan. Sóıtip, onda kitaphana ashyldy. Al, Qarabulaq aýylynda jeke kásipker R.Haljalılov saltanat saraıynyń birinshi qabatyn kitaphanaǵa aınaldyrdy. Qazir munda ınternet jelisi tartylyp, kitap qory jınaqtalýda. Sáni men saltanaty kelisken saraı endi toıshyl qaýymǵa emes, bilimpaz jastarǵa qyzmet kórsetedi.
Budan bólek, Qaramurt aýyldyq okrýgindegi ashylǵan kitaphana jeke kásipker Bahadyr Azımbaıulynyń syıy. Buryn meıramhana bolǵan ǵımaratta búginde oqyrmanǵa jaǵdaı jasalǵan. Mádenı oshaqtyń tusaýkeser rásimine aýdan basshyly men «Nur Otan» partıasy Saıram aýdandyq fılıalynyń basshylary bastaǵan el aǵalary qatysty. Búginde aýdandaǵy 21 kitaphanada 4200 kitap qory bar.
