Ǵalymjan Moldanazardyń tabysy toidan emes! Ol shaǵyn aýditoriiada án keshterin ótkizip, bildei bir ujymǵa paida tabýdyń kózin usynyp otyr. Mýzykanttyń sózinshe, osylai shet eldik ártisterdiń tásilimen jumys isteitin otandyq ónerpazdardyń da sany artyp keledi.
“Toisyz da aqsha tabýǵa bolady. Dimash bar, «91» bar. Olarda álemge shyǵyp jatyr. Nege solardy aitpasqa? Nege qazaq baýyrlarymyzben maqtanbasqa?” – deidi Moldanazar.
Kúni keshe Ǵalymjan kópshilik kópten kútken kúitabaqtyń tusaýyn kesti. «Moldanazardyń» 7 trekten turatyn sý jańa úntaspasy «Esimde bári» dep atalady. Bul, ujymnyń top bolyp qurylǵannan bergi alǵashqy albomy eken.
“Kommertsiialyq kontsertter kóp boldy. Jabyq kontsertter. Sol úsh jyldyń ishinde jańa ánder shyǵarýǵa bizdiń ýaqytymyz bolǵan joq. Osy jańa jyldan bastan barlyq kontsertterge kelisim bermei, shaǵyn albomdy bitirýge bel býyp, bitirip, tyńdarmanymyzǵa usyndyq”, – deidi Ǵalymjan.
Aitpaqshy, «Moldanazar» jetekshilik etetin komanda, taiaý kúnderi AQSh-qa attanbaq. Mýzykanttardyń kontsertteri Amerikanyń tórt qalasynda ótedi.
“Qazaqstannan jaqsy jer joq men úshin. Sol úshin qaityp kelemiz. Osynyń aldynda Amerikada bir ai bolǵanda zorǵa shydaǵanmyn. Bir aidan keiin qashyp keldim aýylǵa”, – deidi ánshi.
«Moldanazar» tobynyń AQSh-taǵy alǵashqy kontserti, naýryzdyń 29-kúni Niý-Iork qalasynda ótedi.
https://dalanews.kz/28892
