Elordadaǵy Kásiptik-tehnikalyq kolledjdiń stýdentteri taraqan basqan jataqhananyń jai-kúiine shaǵymdandy, dep habarlaidy Dalanews.kz.
Kolledj stýdentteri bir bólmeden oryn alý úshin árqaisy 10 myń teńge tólegenderin, alaida taraqanmen turýǵa májbúr ekenderin jetkizdi.
"Astanadaǵy Kásiptik-tehnikalyq kolledjine shaǵym aitqym keledi. Basshylyqqa jataqhanadaǵy taraqandar týraly habarlap, nege ýlamaityndaryn suradyq. Olar ýlap jatqanyn aitty. Ár stýdent bir bólmege 10 myń teńgeden tóleidi. Al taraqandar tósekke deiin jorǵalaidy", - delingen shaǵymda.
Stýdentter jataqhanada tyshqandardyń da bar ekenin aityp otyr.
Shaǵymdanýshylar sózderin rastaý úshin video joldaǵan. Sózderine súiensek, olar taraqan jailaǵan shkafty alyp tastaǵanǵa uqsaidy. Jeli qoldanýshylary stýdentterge sanitarlyq-epidemiologiialyq baqylaýǵa dereý habarlasýdy usyndy.
"SES-ke shaǵym túsirińizder, eger bólmelerde taraqandar bolsa, demek ashanada da bar!", "Osy oqý ornynyń basshylyǵyn otbasymen birge osy jataqhanaǵa ornalastyrý kerek, stýdentterdiń qalai ómir súretinin kórsin!", "Mundai áli de bar ma?" dep jazdy jeli qoldanýshylary.
