Tórtinshi halyqaralyq qaýipsizdik jáne azamattyq qorǵanys
Kórmeniń alǵashqy kúninen-aq sharaǵa qyzyǵýshylyq joǵary boldy. Halyq ásirese, adamnyń beinesin lezde anyqtap, ol týraly aqparatty sanaýly sekýndtarda ekran betine shyǵaratyn beinekameralar men jasyryn dybys tolqynyn anyqtaityn radiotehnikalarǵa qyzyǵýshylyq tanytty.
«Atalmysh sharaǵa barlyq aimaq qatysýda. Solardyń biri bolyp Atyraý óńirinen bizdiń de qatysýymyz - biz úshin zor mártebe ári úlken jaýapkershilik. Kórmede qaýip-qaterler jáne aqparattyq qaýipsizdikti qamtamasyz etýdiń zamanaýi júieleri, Qazaqstannyń kiberqalqany turǵysynda keń kólemde áńgime órbidi. Sondai-aq, qaýipsizdik jáne kúzet salasy ókilderiniń jumysyn saralap, olardyń etken eńbek, tókken terlerin baǵalap, Qurmet gramotalary men maqtaý qaǵazdaryn berý arqyly kúzet qyzmetkerleriniń jumystarynyń alǵa basýyna yqpal jasap, yntalandyratyn aitýly shara qazirgi jahandyq dáýirde ábden kerek dep oilaimyn», - deidi kórmege qatysýshy Suńqar Sekiýriti» JShS kúzet firmasynyń Bas direktory Janarbek Naǵymbekuly Shahshaev.
Kórmeniń maqsaty - jahandyq básekelestik jaǵdailarynda Qazaqstan Respýblikasynyń turaqty damýyn qamtamasyz etetin, elektrondyq aqparattyq resýrstardyń, aqparattyq júieler men aqparattyq-kommýnikatsiialyq infraqurylymnyń syrtqy jáne ishki qaýipterden qorǵalýyna qol jetkizý jáne sol deńgeide ustaý bolyp tabylady.
Shara barysynda kórmege atsalysqan áskeri jáne quqyq qorǵaý organdary ókilderine Qurmet gramotalary tabys etildi.
Mańyzdy basqosý aldaǵy jyldarda da dástúrli túrde jalǵasyn tappaq.
