كورمەنىڭ العاشقى كۇنىنەن-اق شاراعا قىزىعۋشىلىق جوعارى بولدى. حالىق اسىرەسە، ادامنىڭ بەينەسىن لەزدە انىقتاپ، ول تۋرالى اقپاراتتى ساناۋلى سەكۋندتاردا ەكران بەتىنە شىعاراتىن بەينەكامەرالار مەن جاسىرىن دىبىس تولقىنىن انىقتايتىن راديوتەحنيكالارعا قىزىعۋشىلىق تانىتتى.
«اتالمىش شاراعا بارلىق ايماق قاتىسۋدا. سولاردىڭ ءبىرى بولىپ اتىراۋ وڭىرىنەن ءبىزدىڭ دە قاتىسۋىمىز - ءبىز ءۇشىن زور مارتەبە ءارى ۇلكەن جاۋاپكەرشىلىك. كورمەدە قاۋىپ-قاتەرلەر جانە اقپاراتتىق قاۋىپسىزدىكتى قامتاماسىز ەتۋدىڭ زاماناۋي جۇيەلەرى، قازاقستاننىڭ كيبەرقالقانى تۇرعىسىندا كەڭ كولەمدە اڭگىمە ءوربىدى. سونداي-اق، قاۋىپسىزدىك جانە كۇزەت سالاسى وكىلدەرىنىڭ جۇمىسىن سارالاپ، ولاردىڭ ەتكەن ەڭبەك، توككەن تەرلەرىن باعالاپ، قۇرمەت گراموتالارى مەن ماقتاۋ قاعازدارىن بەرۋ ارقىلى كۇزەت قىزمەتكەرلەرىنىڭ جۇمىستارىنىڭ العا باسۋىنا ىقپال جاساپ، ىنتالاندىراتىن ايتۋلى شارا قازىرگى جاhاندىق داۋىردە ابدەن كەرەك دەپ ويلايمىن»، - دەيدى كورمەگە قاتىسۋشى سۇڭقار سەكيۋريتي» ج ش س كۇزەت فيرماسىنىڭ باس ديرەكتورى جاناربەك ناعىمبەك ۇلى شاحشايەۆ.
كورمەنىڭ ماقساتى - جاھاندىق باسەكەلەستىك جاعدايلارىندا قازاقستان رەسپۋبليكاسىنىڭ تۇراقتى دامۋىن قامتاماسىز ەتەتىن، ەلەكتروندىق اقپاراتتىق رەسۋرستاردىڭ، اقپاراتتىق جۇيەلەر مەن اقپاراتتىق-كوممۋنيكاسيالىق ينفراقۇرىلىمنىڭ سىرتقى جانە ىشكى قاۋىپتەردەن قورعالۋىنا قول جەتكىزۋ جانە سول دەڭگەيدە ۇستاۋ بولىپ تابىلادى.
شارا بارىسىندا كورمەگە اتسالىسقان اسكەري جانە قۇقىق قورعاۋ ورگاندارى وكىلدەرىنە قۇرمەت گراموتالارى تابىس ەتىلدى.
ماڭىزدى باسقوسۋ الداعى جىلداردا دا ءداستۇرلى تۇردە جالعاسىن تاپپاق.
