Ekinshi kezdesý Las — Vegastaǵy T-Mobile arenasynda ótti. Byltyrǵy jylǵy kezdesý eki boksshy bir-birin ala almaı, teń tarqasqan edi.
Al bul jolǵy kezdesýde ádil qazylar sheshimimen Saýl Alvares jeńiske jetti: 115-113, 115-113, 114-114.
Gena óziniń kásibı bokstaǵy alǵashqy jeńilisin tapty jáne WBA Super, WBC jáne IBO sanattary boıy chempıondyq belbeýlerinen aıyryldy.
"Bul kezdesýde kimniń jeńgenin aıtyp otyrǵym joq. Jeńis tóreshiler sheshimimen Kaneloǵa buıyrdy. Jankúıerler úshin keremet kesh syıladyq dep sanaımyn. Óz basym qarsylasymnan artyq judyryqtaspasam, kem óner kórsetkem joq dep esepegen edim..." , – depti Golovkın.
Al ekeýiniń arasynda qarymta kezdesýdiń ótý-ótpeýine qatysty:
"Talaptary kóńilden shyqsa nege kezdespeske?!"
– dep pikir bildirgen eken.
Aıtpaqshy, Alvares te Golovkınmen úshinshi márte kezdesýge ket ári emes.
"Ekinshi kezdesýde taza jeńiske jettim. Ázir osy jeńisti toılaıtyn bolamyn", – dep aǵynan jarylypty meksıkalyq.
