ەكىنشى كەزدەسۋ لاس — ۆەگاستاعى T-Mobile ارەناسىندا ءوتتى. بىلتىرعى جىلعى كەزدەسۋ ەكى بوكسشى ءبىر-بىرىن الا الماي، تەڭ تارقاسقان ەدى.
ال بۇل جولعى كەزدەسۋدە ءادىل قازىلار شەشىمىمەن ساۋل الۆارەس جەڭىسكە جەتتى: 115-113، 115-113، 114-114.
گەنا ءوزىنىڭ كاسىبي بوكستاعى العاشقى جەڭىلىسىن تاپتى جانە WBA Super، WBC جانە IBO ساناتتارى بويى چەمپيوندىق بەلبەۋلەرىنەن ايىرىلدى.
"بۇل كەزدەسۋدە كىمنىڭ جەڭگەنىن ايتىپ وتىرعىم جوق. جەڭىس تورەشىلەر شەشىمىمەن كانەلوعا بۇيىردى. جانكۇيەرلەر ءۇشىن كەرەمەت كەش سىيلادىق دەپ سانايمىن. ءوز باسىم قارسىلاسىمنان ارتىق جۇدىرىقتاسپاسام، كەم ونەر كورسەتكەم جوق دەپ ەسەپەگەن ەدىم..." ، – دەپتى گولوۆكين.
ال ەكەۋىنىڭ اراسىندا قارىمتا كەزدەسۋدىڭ وتۋ-وتپەۋىنە قاتىستى:
"تالاپتارى كوڭىلدەن شىقسا نەگە كەزدەسپەسكە؟!"
– دەپ پىكىر بىلدىرگەن ەكەن.
ايتپاقشى، الۆارەس تە گولوۆكينمەن ءۇشىنشى مارتە كەزدەسۋگە كەت ءارى ەمەس.
"ەكىنشى كەزدەسۋدە تازا جەڭىسكە جەتتىم. ءازىر وسى جەڭىستى تويلايتىن بولامىن"، – دەپ اعىنان جارىلىپتى مەكسيكالىق.
