Arnaiy operatsiia barysynda ustalǵan biznesmen Murathan Toqmádidiń qyzy Zere Shákerhan Instagram jelisinde ákesiniń ustalǵanyna qatysty oiyn bildirdi. Qyzdyń jazýynsha, úiine basyp kirgender ákesiniń qolyn bailap, basyna qap kigizip, páterdi tinte bastaǵan.
"Búgin tańǵy 7:30-da ákemniń, anamnyń, ápkemniń úiine, sondai-aq ákemniń zaýyty "QazShynyQurylys" jáne Astana zaýytyna basyp kirgen. Ákem, áieli jáne sińlim uiyqtap jatqan kezde, páterine basyp kirip, ákemdi bailap, basyna qap kigizgen!!! Sodan keiin keshki 19:30-ǵa deiin páterdi tintipti! Sonymen birge anamnyń páterin tintip, telefonyn, kompiýterlerin, t. b. zattaryn tartyp alǵan. Jańa týǵan sábiimen úide otyrǵan ápkeme de barǵan!!! Zaýytta qyzmetkerlerge quddy bir terrorister siiaqty jerge jatýǵa buiryq bergen! Tipti áielderdi de jerge jatqyzǵan!!! Olar eshqandai negizsiz dáiekterge súienip otyr! Tipti kúlkiń keledi!!", — dep jazady qyz.
Onyń aitýynsha, Toqmádi "adal biznesmen, sportshy, úlgili jar, ata jáne álemdegi eń jaqsy áke!!!".
"Ol óte parasatty jan, namaz oqidy, Qajylyqqa baryp kelgen, kóptegen adamdarǵa kómektesti, qazir de qol ushyn sozyp júr! Ádildik jeńip shyqsynshy! Bireýdiń paidasy úshin jasalǵan ǵoi…! Repost jasańyzdarshy!", — deidi ustalǵan biznesmenniń qyzy.
Qazaqstannyń arnaiy qyzmetteri dúisenbi, 12 maýsymda, Almatydaǵy arnaiy operatsiia barysynda Qazaqstandaǵy iri zaýyt "QazShynyQurylys" direktory Murathan Toqmádidi ustady. "KTK" telearnasynyń málimetinshe, tanymal biznesmen uzaq ýaqyt boiy "Depýtatskii korpýs" bedeldi qylmystyq tobyn basqaryp kelgen.
Derekkóz: sputniknews.kz
https://www.instagram.com/p/BVPj2p0HycM/?taken-by=zereshaa
https://www.instagram.com/p/BImrgtljuSY/?taken-by=zereshaa
