ارنايى وپەراسيا بارىسىندا ۇستالعان بيزنەسمەن مۇراتحان ءتوقماديدىڭ قىزى زەرە شاكەرحان Instagram جەلىسىندە اكەسىنىڭ ۇستالعانىنا قاتىستى ويىن ءبىلدىردى. قىزدىڭ جازۋىنشا، ۇيىنە باسىپ كىرگەندەر اكەسىنىڭ قولىن بايلاپ، باسىنا قاپ كيگىزىپ، پاتەردى تىنتە باستاعان.
"بۇگىن تاڭعى 7:30-دا اكەمنىڭ، انامنىڭ، اپكەمنىڭ ۇيىنە، سونداي-اق اكەمنىڭ زاۋىتى "قازشىنىقۇرىلىس" جانە استانا زاۋىتىنا باسىپ كىرگەن. اكەم، ايەلى جانە ءسىڭلىم ۇيىقتاپ جاتقان كەزدە، پاتەرىنە باسىپ كىرىپ، اكەمدى بايلاپ، باسىنا قاپ كيگىزگەن!!! سودان كەيىن كەشكى 19:30-عا دەيىن پاتەردى ءتىنتىپتى! سونىمەن بىرگە انامنىڭ پاتەرىن ءتىنتىپ، تەلەفونىن، كومپيۋتەرلەرىن، ت. ب. زاتتارىن تارتىپ العان. جاڭا تۋعان سابيىمەن ۇيدە وتىرعان اپكەمە دە بارعان!!! زاۋىتتا قىزمەتكەرلەرگە قۇددى ءبىر تەرروريستەر سياقتى جەرگە جاتۋعا بۇيرىق بەرگەن! ءتىپتى ايەلدەردى دە جەرگە جاتقىزعان!!! ولار ەشقانداي نەگىزسىز دايەكتەرگە سۇيەنىپ وتىر! ءتىپتى كۇلكىڭ كەلەدى!!"، — دەپ جازادى قىز.
ونىڭ ايتۋىنشا، ءتوقمادي "ادال بيزنەسمەن، سپورتشى، ۇلگىلى جار، اتا جانە الەمدەگى ەڭ جاقسى اكە!!!".
"ول وتە پاراساتتى جان، ناماز وقيدى، قاجىلىققا بارىپ كەلگەن، كوپتەگەن ادامدارعا كومەكتەستى، ءقازىر دە قول ۇشىن سوزىپ ءجۇر! ادىلدىك جەڭىپ شىقسىنشى! بىرەۋدىڭ پايداسى ءۇشىن جاسالعان عوي…! رەپوست جاساڭىزدارشى!"، — دەيدى ۇستالعان بيزنەسمەننىڭ قىزى.
قازاقستاننىڭ ارنايى قىزمەتتەرى دۇيسەنبى، 12 ماۋسىمدا، الماتىداعى ارنايى وپەراسيا بارىسىندا قازاقستانداعى ءىرى زاۋىت "قازشىنىقۇرىلىس" ديرەكتورى مۇراتحان ءتوقماديدى ۇستادى. "كتك" تەلەارناسىنىڭ مالىمەتىنشە، تانىمال بيزنەسمەن ۇزاق ۋاقىت بويى "دەپۋتاتسكيي كورپۋس" بەدەلدى قىلمىستىق توبىن باسقارىپ كەلگەن.
دەرەككوز: sputniknews.kz
https://www.instagram.com/p/BVPj2p0HycM/؟taken-by=zereshaa
https://www.instagram.com/p/BImrgtljuSY/؟taken-by=zereshaa
