Ministr Toqaevtyń týysy - Temirtai Izbastinniń Bolgariiadaǵy elshi qyzmetin atqarýy Konstitýtsiiaǵa qanshalyqty sáikes keletinin túsindirdi. Aita ketelik, Izbastin Toqaevtyń kúieýbalasy, Memleket basshysynyń qaryndasyn alyp otyr.
"Ata zańǵa ózgeris engennen keiin, álbette, barlyǵy zańǵa sáikestendiriledi. Ol bul qyzmetti zań boiynsha atqara almaityndyqtan qyzmetinen bosaidy", – dedi Ádilet ministri.
Ministr Konstitýtsiiada Prezidenttiń jaqyn týystarynyń saiasi qyzmet atqarýyna tyiym salynatynyn taǵy bir márte eske saldy. Bul sonymen qatar kvazimemlekettik sektorǵa da taralady.
"Konstitýtsiiaǵa tiisti ózgeris engizgennen keiin prezidenttiń aǵa-baýyr, ápke-qaryndastary, ul-qyzdary men nemere-shóbereleri "Samuryq Qazyna", "Báiterek" sekildi ulttyq kompaniialarǵa basshylyq ete almaidy, olarǵa mundai laýazymǵa otyrýǵa zań júzinde tyiym salynady", – dep atap ótti Mýsin.
Onyń aitýynsha, tamyz aiyna deiin tiisti zań jobalary daiyndalady. Al jyldyń sońyna deiin qabyldanady degen jospar bar.
Buǵan deiin Parlamenttiń birlesken otyrysynda sóz sóilegen Toqaev:
"Prezidenttiń jaqyn týystary úshin memlekettik saiasi qyzmetshiler men kvazimemlekettik sektordaǵy basshylar laýazymdaryna ornalasýǵa zańnamalyq tyiym salynatynyn",
– málimdegen.
Ol atalǵan normany Konstitýtsiiada bekitýdi usynyp, Memleket basshysy barlyq azamattar úshin múmkindikter teńdiginiń myzǵymas kepili bolýǵa tiis ekenin atap ótken edi.
