Prezident Qasym-Jomart Toqaevtyń Qaýipsizdik keńesi otyrysynda bergen tapsyrmalaryn oryndaý sheńberinde premer-ministrdiń ókimimen nashaqorlyq profilaktikasy jáne esirtki qylmysyna qarsy is-qimyl boiynsha memlekettik organdardyń qyzmetin úilestirý jónindegi respýblikalyq shtab quryldy, dep habarlaidy Dalanews.kz.
Oǵan premer-ministr basshylyq etedi, basshynyń orynbasarlary retinde premer-ministrdiń orynbasary jáne ishki ister ministri aiqyndaldy.
Shtabtyń negizgi mindeti retinde memlekettik organdardyń nashaqorlyqqa jáne esirtki biznesine qarsy turý jónindegi is-qimylyn úilestirý, aldyn alý sharalaryn júzege asyrý boiynsha tiimdi tásilder ázirleý, esirtkige táýeldi adamdardyń profilaktikasyn, emin jáne ońaltý júiesin jetildirý jumystary aiqyndaldy.
Shtab quramyna Bas prokýratýranyń, Ulttyq qaýipsizdik komitetiniń, Qarjy monitoringi agenttiginiń, Ulttyq banktiń, Qarjy naryǵyn retteý jáne damytý agenttiginiń ókilderi, sondai-aq, birqatar jaýapty ministrlik basshylary endi.
Premer-ministrdiń ókimimen oblystarda, Astana, Almaty jáne Shymkent qalalarynda óńirlik shtabtar qurý kózdelgen.
