"Prezidenttiń burynǵy kezge qaraǵanda ekonomika týraly aitqany týra, ashyq ári jáne shynaiy shyqqan". Ekonomist Ǵalymjan Aitqazin Memleket basshysynyń "Ana tili" basylymynda jaryq kórgen maqalasyndaǵy ekonomikalyq tustaryna qatysty osylai dep pikir bildiredi, dep jazady Dalanews.kz.
Ol Prezident óz maqalasynda barlyq ekonomikalyq agentter úshin mańyzdy bolyp tabylatyn negizgi tezisterdiń bárin qamtyǵan dep sanaidy.
"Birinshiden, ekonomikany damytý jónindegi barlyq reformalar men sharalardyń túpki maqsaty azamattardyń ómir súrý deńgeii men sapasyn arttyrý bolyp qala bermek. Bul Úkimettiń basym mindeti jáne endi jumysty baǵalaý azamattardyń ál-aýqatynyń kórsetkishi arqyly júrgiziletin bolady. Shynynda da, ótken jyly memleket shyǵyndardyń áleýmettik sipatyn nyǵaitýdy jalǵastyrýmen boldy. Ekinshi jaǵynan, úkimet temirjol jáne avtomobil joldary syndy infraqurylymdardy jańartýǵa jáne salýǵa rekordtyq kólemde qarajat bóldi jáne bul, árine, óte durys sheshim, óitkeni ol azamattar úshin de, biznesti damytý úshin de bazalyq jaǵdai týdyrady" dep jazady Tengenomika Telegram arnasynyń avtory.
Ekinshiden, ol ekonomikanyń damýyna qýatty serpin beretin iri infraqurylymdyq nysandardy salý úshin Ulttyq qor qarajatyn paidalaný qajettiligi týraly Prezident aitqanyn tolyqtai qoldaitynyn aitady.
"Bul Ulttyq qor qarajatyn "maqsatsyz" paidalanýǵa jol berilmeitinin bildiredi. Mysaly, sońǵy eki jylda nysanaly transfertter de, QMG jáne Qazatomónerkásip arqyly qordan aqsha alý kezi de Ulttyq qordy el ekonomikasyna serpin beretin iri infraqurylymdyq jobalar úshin paidalaný qajettigi týraly tujyrymdamasyna sai bolmady", - deidi ol.
Úshinshiden, Prezident úkimettiń jumysyn obektivti jáne naqty nátijeler boiynsha baǵalaitynyn anyq aitty.
"Eger ekonomikalyq jetistikter adamdardyń ómir súrý deńgeiine oń áser etpese, onda olar tek virtýaldy shyndyqqa ǵana ie. Sondyqtan, biýdjettiń kiris bóligine sapaly ósimsiz áleýmettik mindettemelerdi jai ǵana ulǵaitý maqsatynda qol salýǵa, fiskaldyq jáne ekonomikalyq turaqtylyqqa selkeý túsirýge, ulttyq qor qarajatyn maqsatsyz paidalanýǵa endi jol berilmeidi", - deidi maman.
Sondai-aq óz suqbatynda Prezident ekonomist basshylardyń jumysyn syni turǵydan baǵalady.Memleket basshysy qazir óńirlerdegi jaǵdaidy jáne naqty ekonomika tetikterin jaqsy biletin mamandar qajet ekenin basa atap ótti.
"Bul rette, óz tarapymnan ekonomisttiń qundylyǵy is júzinde shekteýli resýrstardy barynsha tiimdi paidalanýda ekonomikalyq júie men jaǵdailar qura alatyndyǵynda ekenin basa atap ótkim keledi", - deidi Aitqazin.
Buǵan deiin saitymyzda "Prezidenttiń "ekonomist basshylardyń jumysyna ortasha baǵa berdim" degeni neni bildiredi" degen maqala jariialaǵan bolatyn.
