“Samuryq-Qazyna” ulttyq ál-aýqat qorynyń bas keńsesinde qyzmetkerler sanyn shamamen 10 paiyzǵa qysqartý josparlanyp otyr. Bul týraly Atameken Business derekkózi málimdedi, dep habarlaidy Dalanews.kz.
Keiingi ýaqytta kvazimemlekettik sektordaǵy kadr saiasaty qoǵam tarapynan jii synǵa ushyrap keledi. Memleket basshysy Qasym-Jomart Toqaev ta naqty jumysqa tartylmaǵan qyzmetkerler máselesin kóterip, kadrlyq qurylymdy qaita qaraý qajet ekenin atap ótken edi.
Prezidenttiń sózinshe, keibir uiymdarda óndiristik úderisterge naqty qatysy joq qyzmetkerler toby qalyptasqan. Olar jumys ýaqytynda kafeler men qonaqúilerde ýaqyt ótkizip, internetti paidalanyp, naqty mindetter atqarmaityny synǵa alynǵan.
Osy syn-pikirler aiasynda ulttyq holding bas keńsedegi shtat sanyn ońtailandyrýǵa májbúr bolyp otyr. Qysqartý kadrlyq qurylymdy tiimdi etýge jáne jumys ónimdiligin arttyrýǵa baǵyttalǵan.
