Álibekovtiń óz aýzymen aıtylǵan aqparat boıynsha Jańa Qazaqstannyń qabyrǵasyn qalasyp, saıası reformalarǵa qoldaý kórsetetin partıanyń aty – "Respýblıka" dep atalady. Saıası uıym qazirgi saıası kýrstyń óz baǵytynan aýytqymaı, dittegen jerine jetýine járdemdespekshi.
"Biz partıa qurýǵa bel býdyq. Bizdiń uıym saıası reformalardyń jaqtasy bolady", – deıdi Álibekov.
Onyń atap ótkenindeı Jańa Qazaqstannyń qoltyǵynan demesý úshin Álibekov bastaǵan belsendiler osyndaı qadamǵa barǵan.
"Bılikke jalǵan uranshyl, jalpaqshesheı popýlıserdiń kelýine tosqaýyl qoıǵymyz keledi. Eski Qazaqstannyń ókilderi bılikti basyp alyp, dıktatýra ornatýdan taıynbaıdy. Bizdiń partıa buǵan tosqaýyl qoıady", – deıdi bloger.
Áli tirkeýden ótpegen, biraq talaby taýdaı partıanyń qataryna Álibekovten bólek biraz tanymal kásipker enipti.
