Prezident Qasym-Jomart Toqaev zańsyz aktivterge qatysty málimdeme jasady, - dep habarlaidy Dalanews.kz.
"Byltyr biznes ókilderimen ótken kezdesýde bul másele boiynsha men naqty ustanymdy aittym. Biz kásip ielerimen ózara kelisimge keldik, iaǵni «kapitaldy zańdastyrý» úshin mindetti túrde Qazaqstan ekonomikasyna qarjy salý qajet bolady. Eń bastysy, salynǵan qarjy el igiligine jaraýy kerek. Bul talapty normativtik turǵydan bekitip alý qajet.
Tiisti reestrge engizilgen kásipkerlermen kelisim jasaǵan kezde memleketke qaitarylatyn aktivterdi «zańsyz» dep tanymaý týraly normany bekitýge bolady. Bul – shyn máninde, iri kásip ieleriniń múddesine sai keletin mańyzdy qadam. Biraq kásipkerler de qarjyny respýblikalyq biýdjetke aýdarý máselesine kelgende Úkimetpen jáne Bas Prokýratýramen tyǵyz bailanysta jumys isteýge tiis. Bul – ár teńge úshin saýdalaspai, qajetti sharanyń bárin óz erkimen jasaý kerek degen sóz. Olar osy eldiń azamaty retinde mektep, aýrýhana, stadion, mýzei jáne basqa da áleýmettik-mádeni nysandar salýǵa qomaqty qarjy bólýge mindetti. Mundai kásipkerlerdiń esimi jomart jandardyń «altyn tizimine» jazylady. Al odan bas tartqan nemese sózbuidaǵa salǵan kásipkerlerge qatysty áńgime basqasha bolady", - dedi Prezident Joldaýynda.
Aita keteiik, búgin Prezident Qazaqstan halqyna Joldaý jariialap jatyr.
