پرەزيدەنت قاسىم-جومارت توقايەۆ زاڭسىز اكتيۆتەرگە قاتىستى مالىمدەمە جاسادى، - دەپ حابارلايدى Dalanews.kz.

"بىلتىر بيزنەس وكىلدەرىمەن وتكەن كەزدەسۋدە بۇل ماسەلە بويىنشا مەن ناقتى ۇستانىمدى ايتتىم. ءبىز كاسىپ يەلەرىمەن ءوزارا كەلىسىمگە كەلدىك، ياعني «كاپيتالدى زاڭداستىرۋ» ءۇشىن مىندەتتى تۇردە قازاقستان ەكونوميكاسىنا قارجى سالۋ قاجەت بولادى. ەڭ باستىسى، سالىنعان قارجى ەل يگىلىگىنە جاراۋى كەرەك. بۇل تالاپتى نورماتيۆتىك تۇرعىدان بەكىتىپ الۋ قاجەت.

ءتيىستى رەەسترگە ەنگىزىلگەن كاسىپكەرلەرمەن كەلىسىم جاساعان كەزدە مەملەكەتكە قايتارىلاتىن اكتيۆتەردى «زاڭسىز» دەپ تانىماۋ تۋرالى نورمانى بەكىتۋگە بولادى. بۇل – شىن مانىندە، ءىرى كاسىپ يەلەرىنىڭ مۇددەسىنە ساي كەلەتىن ماڭىزدى قادام. ءبىراق كاسىپكەرلەر دە قارجىنى رەسپۋبليكالىق بيۋدجەتكە اۋدارۋ ماسەلەسىنە كەلگەندە ۇكىمەتپەن جانە باس پروكۋراتۋرامەن تىعىز بايلانىستا جۇمىس ىستەۋگە ءتيىس. بۇل – ءار تەڭگە ءۇشىن ساۋدالاسپاي، قاجەتتى شارانىڭ ءبارىن ءوز ەركىمەن جاساۋ كەرەك دەگەن ءسوز. ولار وسى ەلدىڭ ازاماتى رەتىندە مەكتەپ، اۋرۋحانا، ستاديون، مۋزەي جانە باسقا دا الەۋمەتتىك-مادەني نىساندار سالۋعا قوماقتى قارجى بولۋگە مىندەتتى. مۇنداي كاسىپكەرلەردىڭ ەسىمى جومارت جانداردىڭ «التىن تىزىمىنە» جازىلادى. ال ودان باس تارتقان نەمەسە ءسوزبۇيداعا سالعان كاسىپكەرلەرگە قاتىستى اڭگىمە باسقاشا بولادى"، - دەدى پرەزيدەنت جولداۋىندا. 

ايتا كەتەيىك، بۇگىن پرەزيدەنت قازاقستان حالقىنا جولداۋ جاريالاپ جاتىر.