DALA INSIDE telegram arnasynyń habarlaýynsha Toqaevty táýbesine túsirýdiń bir amaly - shantaj. Kreml ideologtary bastaýyn qyrǵyz jerinen alatyn ózenderdiń (Shý men Talas) shúmegin burap, sý máselesin saýdaǵa salmaq. Batyspen arasy sýyi bastaǵan Japarov biliginiń Máskeýdiń jetegine erýden ózge amaly joq.
"Japarov Kremldiń sózin sóiler bolsa, munyń sońy aimaqtyq deńgeiden asyp, halyqaralyq konfliktige ulasady. Damyǵan elderdiń tehnologiiasyna sýsap otyrǵan Resei álgindei saiasi intrigaǵa barýdan taiynbaidy. Qyrǵyz biligi transshekaralyq ózenderdi paidalaný týraly halyqaralyq quqyqty tabanǵa taptasa, budan Ózbekstan da zardap shegedi" deidi arna derekkózi.
Aimaq elderi úshin aýyz sý tapshylyǵy óte názik másele. Aimaqty "asyrap" otyrǵan Ámýdariia men men Syrdariia sekildi negizgi sý arteriialarynyń erneýi tarylyp keledi. Bular taiazdana tússe Orta Aziiadaǵy bes memlekettiń áleýmettik-ekonomikalyq damýy da tejeleri aidai anyq.
Sý máselesinde Qazaqstan qyrǵyz biliginiń qas-qabaǵyna qaraýǵa májbúr. Shý men Talastyń arnasyn rettep otyratyn búkil plotina, sý qoimalary, basqa da kómekshi quraldar qyrǵyz jerinde ornalasqan.
Bul turǵyda kórshi elge kiriptar ekenimizdi Máskeý de beske biledi.
Kremlden pármen kelse Pishkek sý máselesin saiasi saýdaǵa salýy ǵajap emes. DALA INSIDE-qa jetken málimet boiynsha Toqaev transshekalarlyq ózenderdi paidalaný máselesin BUU minberinde sóz etýi múmkin. Biraq bir niýans bar...
Tolyq nusqasyn osy jerden oqýyńyzǵa bolady: https://t.me/dalainside/1437
https://dalanews.kz/aimak/91935-astananyng-bas-zhosparyn-talqylau-akim
