Qasym-Jomart Toqaev Qazaqstannyń Ulybritaniia jáne Soltústik Irlandiia Birikken Koroldigindegi jańadan taǵaiyndalǵan elshisi Álibek Baqaevty qabyldady, dep habarlaidy dalanews.kz.
Áńgimelesý barysynda Prezident qazaq-britan kópjosparly yntymaqtastyǵyn odan ári damytýǵa qatysty negizgi mindetterdi aiqyndady.
Memleket basshysy Qazaqstan Respýblikasy men Ulybritaniia jáne Soltústik Irlandiia Birikken Koroldigi arasyndaǵy Strategiialyq seriktestik jáne yntymaqtastyq týraly kelisimdi is júzinde tiimdi júzege asyrýǵa, saiasi dialogty jandandyrýǵa, saýda-ekonomikalyq jáne investitsiialyq yqpaldastyqty keńeitýge, sondai-aq, energetika, kólik, innovatsiia jáne bilim salalaryndaǵy birlesken jobalardy ilgeriletýge kúsh-jiger jumyldyrýdy tapsyrdy.
