Memleket basshysy Qasym-Jomart Toqaev Amerika Qurama Shtattary Prezidentiniń sailaýynda aiqyn jeńiske jetken Donald Trampqa quttyqtaý jedelhatyn joldady, dep habarlaidy Dalanews.kz.
Qazaqstan Prezidenti qaýipsizdik, iadrolyq qarýdy taratpaý, investitsiia salalaryndaǵy ekijaqty yntymaqtastyq dáiekti túrde dami beretinine senim bildirdi.
Qasym-Jomart Toqaev Donald Trampqa Amerika halqynyń ósip-órkendeýi jolyndaǵy, sondai-aq jahandyq turaqtylyq pen qaýipsizdikti qamtamasyz etýdegi qyzmetine tabys tiledi.
Eske salaiyq, buǵan deiin AQSh prezidenti Donald Tramp pen RF basshysy Vladimir Pýtin Qazaqstanda kezdesýi múmkin ekeni týraly jazǵan edik.
Telegramdaǵy "Chemodan gossekretov"arnasynyń derekkózderi qazirgi ýaqytta Tramp pen Pýtinniń kezdesetin orny belsendi túrde talqylanyp jatqanyn habarlady.
"Eki nusqa qarastyrylýda: Vengriia jáne Qazaqstan, al Resei tarapy Shveitsariiany qabyldamady. Kezdesý Resei men Ýkraina arasyndaǵy qaqtyǵysty sheshýge arnalmaq. Múmkin, bul másele keshe Toqaev pen Orbannyń telefon arqyly sóilesýi kezinde de talqylanǵan bolýy múmkin", delingen jazbada.
Sondai-aq, bul kezdesýdiń ýkrain tarapynsyz ótetini kútilýde.
Buǵan deiin Shveitsariia Resei-Ýkraina soǵysy boiynsha Tramp pen Pýtinniń kezdesýin ótkizýge daiyn ekenin málimdegen bolatyn.
"Biýrgenstoktaǵy sammitten beri Ýkraina, Resei jáne AQSh bizdiń beibitshilik ornatý jolyndaǵy kez kelgen diplomatiialyq kúsh-jigerdi qoldaýǵa daiyn ekenimiz týraly únemi habardar bolyp otyrdy", - dedi Shveitsariia Syrtqy ister ministrliginiń aqparat qyzmetiniń basshysy Nikolas Bido.
