Qasym-Jomart Toqaev Shyńǵys Árinovtiń esebin tyńdap, vedomstvonyń atqarǵan jumysy men júrgizilgen reformalary týraly aqparat aldy, dep habarlaidy Dalanews.kz.
Vedomstvo jumysyna zamanaýi tehnologiialar engizilip, drondar arqyly onlain beinebaqylaý júrgizý jáne tsifrlyq servisterdi integratsiialaý júiesi iske qosylǵan. Nátijesinde, oqys oqiǵalar sany 2,8%-ǵa, adam ólimi 10,2%-ǵa, jaraqat alǵandar sany 8,1%-ǵa azaidy.
2024 jyly el aýmaǵynda 14 jańa órt sóndirý deposy ashylǵan.
Qutqarýshylardyń jańa arnaiy kiim úlgisi bekitilgen, áýe kemeleri satyp alynǵan jáne eldi mekenderdegi qaýipsizdikti kúsheitý maqsatynda "Aýyl qutqarýshylary" baǵdarlamasy iske qosylǵan.
Prezidentke sý tasqyny qaýpine qatysty ahýal jóninde de málimet berildi. Ministrdiń aitýynsha, jaǵdai turaqty, segiz óńirdegi jaǵdai baqylaýda. Resei jáne Qyrǵyzstanmen derekter almasý jumystary turaqty júrgizilip keledi.
Memleket basshysy sý tasqynyna qarsy sharalarǵa basa nazar aýdarý, aldyn ala eskertý júiesin jańǵyrtý jáne tótenshe jaǵdaidyń saldaryn joiý boiynsha buǵan deiin berilgen tapsyrmalardyń oryndalýyn jalǵastyrý jóninde mindet júktedi.
