Biyl syrtqa satylatyn suiyq maidyń úlesi eki esege artyp, 180 tonnaǵa deiin jetýge tiis.
Aita ketelik, Prezident Toqaev halyqqa arnaǵan Joldaýynda elimizdiń eksporttyq potentsialyn arttyrý týraly tapsyrma bergen.
"Tranzittik jáne eksporttyq múmkindikterimizdi odan ári jetildirgen jón. Ásirese, shekara beketterin jańǵyrtýymyz kerek. Sondai-aq, qoldanystaǵy temirjol jáne avtokólik baǵyttaryna balama joldar tabý úshin keshendi sharalar qabyldaǵan abzal", – degen bolatyn Memleket basshysy.
Prezident óńdelgen ónimniń eksportyn damytý qajet ekenin udaiy eske salyp keledi.
Bul shikizattyń qubylmaly baǵasynan saqtanýdyń kepili jáne ulttyq ekonomikanyń sapaly ári suranysqa ie taýar óndirý, sondai-aq, qyzmet kórsetý qabiletiniń kórsetkishi bolyp tabylady.
Jalpylai alǵanda eldegi suiyq maidyń óndirisi 30 paiyzǵa ósken.
Al Shyǵys Qazaqstan oblysynda elimizdegi mai ónimderiniń 80 protsenti shyǵarylady. Óńirde kúnbaǵys jinaý naýqany áli aiaqtalǵan joq. Sebebi qyrkúiek aiynda jergilikti sharýalarǵa 8 myń tonnaǵa jýyq arzandatylǵan janar – jaǵarmai jetpei qalǵan edi. Búginde másele ońynan sheshilgen.
Shyǵysqazaqstandyq maily daqyl óndirýshiler Qazaqstan kúnbaǵys eksportyn ósirýge ólsheýsiz úles qosýda.
Buǵan dálel biyl Qytai eline satylǵan maidyń kólemi 5 esege artqan. Ekonomikalyq zertteý institýty taldaýshylarynyń málimeti boiynsha, otandyq óndirýshiler men treiderler jarty jyldyń ishinde odan 40 mln.dollar tabys tapqan. Álemdegi geosaiasi jaǵdailarǵa bailanysty olarǵa Eýroodaq ta shyqqan.
Shyǵysta "Mai" zaýytynyń direktory Tatiana Kostinanyń atap ótkenindei sáýir aiynan beri zaýyttyń ónimderi Frantsiia, Germaniia, Polsha, Baltyq elderi tasymaldanýda.
Eksporttan túsetin paidany aýyl sharýashylyǵy ministrliginiń mamandary da sanap jatyr. Qazir bidaiǵa qaraǵanda maily daqyldardyń tiimdiligi orasan zor. Sondyqtan Úkimet onyń úlesin 600 myń gektarǵa arttyryp, 3,5 mln. gektarǵa deiin jetkizýdi kózdep otyr.
Oblystyq aýyl sharýashylyǵy basqarmasy basshysynyń mindetin atqarýshy Ramil Saǵyndyqovtyń aitýynsha óńir kásipkerleri kúnbaǵys satýmen ǵana shektelmeidi. Negizgi maqsat – tuqym ósirý men óńdeý sapasyn jaqsartý.
"Búgingi tańda memleket tarapynan beriletin sýbsidiia mai tuqymyn óńdeýge, tyńaitqyshtar men pestitsidterdi satyp alýǵa jumsalatyn logistikalyq jáne basqa da shyǵyndardy óteýge kóp kómegin tigizýde", – deidi Saǵyndyqov.
Oblystyq aýyl sharýashylyǵy basqarmasynyń habarlaýynsha, búginde Shyǵys Qazaqstan aýmaǵynda ósimdik maiyn óndirýmen ainalysatyn 17 kásiporyn bar kórinedi. Al olardyń mai óndirý qýaty jylyna 814 myń tonnany quraidy. Ótken jyly óńirde 226,4 myń tonna ósimdik maiy óndirilgen.
Ótken jyly oblystaǵy qaita óńdeý kásiporyndary rafinattalmaǵan ósimdik maiynyń óndirý kólemin 162 myń tonnaǵa jetkizse, rafinattalǵan maidyń óndirý mólsheri 64 myń tonnadan asyp jyǵylǵan. Qazirgi ýaqytta óńirde tazartylǵan ósimdik maiyn óndirýmen Óskemen qalasyndaǵy eki, Shemonaiha aýdanyndaǵy bir kásiporyn ainalysady.
