Osy maqsatqa memlekettik biýdjetten 8 milliard teńge bólinbek. Prezident Toqaevtyń tapsyrmasyn oryndaýǵa "Innovatsiialyq orman tuqymy" kesheniniń mamandary atsalyspaq. Pitomniktiń biregeiligi mynada: kóshet burynǵydai eki jyl emes, 70 kúnde óse alady eken.
Osydan birshama ýaqyt buryn Besqaraǵai aýdanyndaǵy "Semei Ormany" Kanonerka filialynyń bazasynda Shved óndirisiniń zamanaýi jabdyǵymen jumys isteitin jańa orman tuqymy kesheni paidalanýǵa engizilgen bolatyn.
Munda kompiýterlik baǵdarlamalaý qoldanylady, barlyq baqylaý protsesteri tolyǵymen avtomattandyrylǵan. Arnaiy mashinalardyń ózderi tuqymdardy sanattarǵa bólip, óńdeidi. Jańa tehnologiia bir jyl ishinde 3,5 millionnan astam kóshet ósirýge múmkindik beredi.
Injener-tehnolog Valerii Klets tuqymbaqta engizilip jatqan zamanaýi ádis-tásilderge toqtalyp, pikirin bildirdi.
"Biz bir jylda eki egisti, eki rotatsiiany standartty mólsherge deiin ósiremiz. Otyrǵyzý materialdarynyń sany kóp, al óndiris ýaqyty áldeqaida az" deidi ol.
Óńirdegi ormanshylar sońǵy 5 jyl ishinde 15 million qaraǵai kóshetterin ósirgen. Alaida ozyq tehnologiiaǵa qaramastan, qosymsha jumys kúshi de qajet pikirdi. Bul úshin osynaý sala mamandarynyń ailyǵyn kóterý mańyzdy.
"Elimizde orman sharýashylyǵynda eńbek etetin mamandardyń jalaqysy tómen. Ásirese aramshóptermen, kóshetterge kútim jasaityn adamdarǵa basym kóńil bólý kerek. Sol kezde maman, jumysshy tapshylyǵy máselesin de sheshetin bolamyz", – deidi Valerii Klets.
Jumys kúshiniń azdyǵyna qaramai, ormanshylar aldaǵy ýaqytta qaraǵaily alqaptyń kólemin 25 myń 400 gektarǵa deiin ulǵaitýdy josparlap otyr.
Memleket basshysynyń Joldaýyna sáikes 2025 jylǵa deiin qaraǵaidyń 119 million kóshetterin ósirý kerek.
Al biregei relikti orman alqabyn qalpyna keltirý úshin zamanaýi arnaiy tehnika, onyń ishinde biýdjet esebinen 40-tan astam traktor men otyrǵyzý mashinasy satyp alynǵan.
2025 jylǵa qarai oblysta 200 million qaraǵai kóshetterin egý úshin 8 milliard teńge bólinbek.
