Memleket basshysy Qasym-Jomart Toqaev Halyqaralyq áielder kúnine arnalǵan saltanatty is-sharada sóz sóiledi, dep habarlaidy Dalanews.kz.
Qasym-Jomart Toqaev is-sharada jańa Konstitýtsiia jobasy týraly da aitty. Prezidenttiń pikirinshe, qýatty jáne turaqty ekonomikasy bar ádiletti, básekege qabiletti Qazaqstandy qurýǵa jeteleitin ornyqty damýdyń institýttyq jáne quqyqtyq negizderi Konstitýtsiia jobasynda kórinis tapqan.
"Al qazirgi Ata Zańymyz qabyldanǵan shaqta Qazaqstan eńsesin endi tiktep jatqan edi. Ol kezde Egemendikti saqtap qalý, bilik institýttaryn qurý, eldegi turaqtylyqty qamtamasyz etý mindetterine basymdyq berildi. Búgingi Konstitýtsiia elimizdiń qol jetkizgen barlyq jetistiginiń bastaýynda turdy. Bul – Qazaqstan Respýblikasynyń tuńǵysh prezidenti Nursultan Nazarbaevtyń arqasy. Biraq zaman bir jerde turmaityny belgili. Qazir Qazaqstan – halyqaralyq bedeli biik, saiasi júiesi myǵym, ekonomikasy ornyqty damyp jatqan qýatty memleket. Sheteldegi saiasatkerler men sarapshylar elimizdi iri orta memleket retinde moiyndap, qurmet bildiredi. Biz BUU jarǵysynyń negizine ainalǵan halyqaralyq quqyq saqtalýy qajet dep sanaimyz. Aldaǵy ýaqytta da osy qaǵidattan ainymaimyz. Bul – Qazaqstannyń naqty ustanymy. Elimizdiń Konstitýtsiiasynda ulttyq zańnama talaptaryn eskermei, ony ekinshi orynǵa qoiatyn ekiushty ereje bolmaýy kerek. Buǵan jol berýge bolmaidy. Bul da Táýelsizdik pen Egemendik máselesi", - dedi Toqaev.
Memleket basshysynyń aitýynsha, Ata Zańymyzda Qazaqstan halqynyń birligin, etnosaralyq, konfessiiaaralyq kelisimdi, toleranttylyqty nyǵaitatyn normalar bar.
"Bul – bizdiń saiasi, rýhani qundylyqtarymyz. Sondyqtan ony quqyqtyq tetikter arqyly kúlli qoǵam bolyp qorǵaýǵa mindettimiz. Qazaqstannyń ekonomikasy Ortalyq Aziia men Kavkaz óńirindegi eń úlken ekonomika sanalady. Qazaqstan dúnie júzindegi eń iri 50 ekonomikanyń qataryna qosyldy. Bul 20 million halqy bar el úshin jaqsy nátije dep aitýǵa bolady", - dedi Prezident.
