Qasym-Jomart Toqaev Úkimetti basqarǵan Álihan Smaiylovqa alǵysyn bildirdi, - dep habarlaidy Dalanews.kz.
Prezident búgin byltyrǵy jumystarǵa qorytyndy jasalatynyn aitty. Sondai-aq aldaǵy kezeńniń basty mindetterine toqtalatynyn málimdedi. Memleket basshysynyń sózinshe, byltyr el ekonomikasy 5,1 paiyzǵa ósken.
"Eń bastysy, elimizdiń damý qarqyny báseńdegen joq. Aldyńǵy Úkimet osy baǵytta biraz jumys istedi. Keshe men burynǵy premer-ministr Álihan Smaiylovqa alǵysymdy bildirdim. Biraq qazir jaibaraqat otyrýǵa bolmaidy, sebebi aldymyzda aýqymdy jumys tur. Sondyqtan Úkimettiń jumysyna jańa serpin berý qajet.
Negizgi maqsat – barshańyzǵa belgili. Biz 2029 jylǵa qarai ekonomikamyzdyń kólemin 450 milliard dollarǵa jetkizýimiz kerek. Iaǵni, naqty meje bar. Endi tek jumys isteý qajet. Bul – elimizdiń jalpy ishki ónimi jyl saiyn keminde 6 paiyzǵa ósýi kerek degen sóz.
Sondai-aq, makroekonomikalyq kórsetkishtermen qatar halyqtyń naqty tabysy da qarqyndy túrde artýy kerek. Bul – óte mańyzdy mindet. Bir sózben aitqanda, bizge shyn máninde sapaly damý qajet. Sondyqtan árbir qadamdy jan-jaqty, muqiiat oilastyryp, batyl áreket etý kerek", - dedi Toqaev.
