قاسىم-جومارت توقاەۆ ٷكٸمەتتٸ باسقارعان ەليحان سمايىلوۆقا العىسىن بٸلدٸردٸ, - دەپ حابارلايدى Dalanews.kz.
پرەزيدەنت بٷگٸن بىلتىرعى جۇمىستارعا قورىتىندى جاسالاتىنىن ايتتى. سونداي-اق الداعى كەزەڭنٸڭ باستى مٸندەتتەرٸنە توقتالاتىنىن مەلٸمدەدٸ. مەملەكەت باسشىسىنىڭ سٶزٸنشە, بىلتىر ەل ەكونوميكاسى 5,1 پايىزعا ٶسكەن.
"ەڭ باستىسى, ەلٸمٸزدٸڭ دامۋ قارقىنى بەسەڭدەگەن جوق. الدىڭعى ٷكٸمەت وسى باعىتتا بٸراز جۇمىس ٸستەدٸ. كەشە مەن بۇرىنعى پرەمەر-مينيستر ەليحان سمايىلوۆقا العىسىمدى بٸلدٸردٸم. بٸراق قازٸر جايباراقات وتىرۋعا بولمايدى, سەبەبٸ الدىمىزدا اۋقىمدى جۇمىس تۇر. سوندىقتان ٷكٸمەتتٸڭ جۇمىسىنا جاڭا سەرپٸن بەرۋ قاجەت.
نەگٸزگٸ ماقسات – بارشاڭىزعا بەلگٸلٸ. بٸز 2029 جىلعا قاراي ەكونوميكامىزدىڭ كٶلەمٸن 450 ميلليارد دوللارعا جەتكٸزۋٸمٸز كەرەك. ياعني, ناقتى مەجە بار. ەندٸ تەك جۇمىس ٸستەۋ قاجەت. بۇل – ەلٸمٸزدٸڭ جالپى ٸشكٸ ٶنٸمٸ جىل سايىن كەمٸندە 6 پايىزعا ٶسۋٸ كەرەك دەگەن سٶز.
سونداي-اق, ماكروەكونوميكالىق كٶرسەتكٸشتەرمەن قاتار حالىقتىڭ ناقتى تابىسى دا قارقىندى تٷردە ارتۋى كەرەك. بۇل – ٶتە ماڭىزدى مٸندەت. بٸر سٶزبەن ايتقاندا, بٸزگە شىن مەنٸندە ساپالى دامۋ قاجەت. سوندىقتان ەربٸر قادامدى جان-جاقتى, مۇقييات ويلاستىرىپ, باتىل ەرەكەت ەتۋ كەرەك", - دەدٸ توقاەۆ.
