Prezident Joǵary aýditorlyq palata tóraǵasy Álihan Smaiylovty qabyldady, dep habarlaidy Dalanews.kz.
Qasym-Jomart Toqaevqa biylǵy I jartyjyldyqta 20 trillion teńgeni qamtityn 12 memlekettik aýdit júrgizilgeni týraly baiandaldy. Bul 2024 jyldyń osy kezeńimen salystyrǵanda 7,1 esege artyq.
Álihan Smaiylovtyń aitýynsha, aýditorlyq tekserister orta bilim berý, dári-dármekpen qamtamasyz etý, tsifrlyq damý, elektr energetikasy jáne joǵary jetistikter sportyn qarjylandyrý sekildi negizgi salalardy qamtyǵan.
Úkimetke jáne aýdit júrgizilgen nysandarǵa 60-tan astam usynym men 450 tarmaqtan turatyn uiǵarym berildi. 20 fakti boiynsha is materialdary quqyq qorǵaý organdaryna joldandy.
Prezidentke Joǵary aýditorlyq palatanyń usynysymen ázirlengen zańnamalyq bastamalar jóninde egjei-tegjeili málimet berildi. Máselen, endi Joǵary aýditorlyq palata biýdjetten tys qorlardy tekserý quzyretine ie boldy.
Memleket basshysynyń tapsyrmalaryn oryndaý maqsatynda Ulttyq qor qarjysyn monitoringteý jónindegi komissiia jumysy qaita uiymdastyryldy. Bul Qor qarajatynyń jumsalýyna baqylaýdy kúsheitip, jariialylyqty arttyrýǵa múmkindik beredi.
Budan bólek, jylytý maýsymyna daiyndyqqa salǵyrt qaraǵany úshin jylýmen qamtamasyz etetin kásiporyndar men olardyń birinshi basshylarynyń jaýapkershiligin kúsheitý, sondai-aq naryqtyń barlyq sýbektilerine arnalǵan taýarly gazdyń bólshek baǵasyna memlekettik baqylaýdy keńeitý sekildi mańyzdy bastamalar bar.
Qasym-Jomart Toqaev memlekettik aýdit júiesin kezeń-kezeńimen damytýdy tapsyrdy. Bul rette onyń tiimdiligi men ashyqtyǵyna basa mán bergen jón.
Prezident memleket qarajatynyń jumsalýyn baqylaýǵa zamanaýi tsifrlyq tehnologiialardy engizý mańyzdy ekenin atap ótti. Sonymen qatar basy artyq shyǵyndardy azaitý, ulttyq resýrstardan túsetin paidany barynsha eseleý qajet ekenine nazar aýdardy.
