Prezident Qasym-Jomart Toqaev sheneýnikterdiń jumysyna baǵa berdi, - dep habarlaidy Dalanews.kz.
"Barshańyzdy kezekti sessiianyń ashylýymen quttyqtaimyn! El igiligi úshin jasap jatqan qyzmetterińizge tabys tileimin.
Ótken sessiiada jemisti jumys júrgizildi. Atap aitqanda, Parlamenttiń ekinshi sessiiasynda 102 zań qabyldandy. Onyń ishinde qoǵamdyq baqylaýǵa, adam saýdasyna qarsy kúreske qatysty zańdar bar. Sondai-aq ǵylym jáne tehnologiia saiasatyn, jylý energetikasyn, basqa da máselelerdi retteitin zańdar kúshine endi.
Áleýmettik salaǵa, ásirese, balalardy qorǵaý isine airyqsha kóńil bólindi. Ulttyq qordan balalardyń esepshotyna qarjy aýdarýǵa qatysty zań qabyldandy. Balalardy qumar oiynǵa tartqandar ákimshilik zań boiynsha jazaǵa tartylatyn boldy. Kámeletke tolmaǵan balalarǵa zorlyq-zombylyq kórsetkeni úshin beriletin jaza qataidy. Balalardyń qaýipsizdigin qamtamasyz etýge, áielder men balalarǵa qatysty qylmystyń aldyn alýǵa arnalǵan zań qabyldandy.
Qazir kóptegen azamattyń moinynda birneshe nesie bar ekeni jasyryn emes. Bul – óte ózekti másele, qoǵamdyq qater desek te bolady. Sondyqtan osy baǵytta arnaiy zańdar qabyldandy.
Halyqtyń ál-aýqatyn jaqsartýǵa septigi tietin basqa da kóptegen shara qolǵa alyndy. Sizder bul jumyspen tikelei ainalysyp, halyqpen árdaiym tyǵyz bailanysta boldyńyzdar. Munyń bári «Halyq únine qulaq asatyn memleket» qaǵidasyn ornyqtyrýǵa yqpal etetini sózsiz.
Tabandy eńbekterińiz úshin barshańyzǵa rizashylyǵymdy bildiremin. Degenmen, arqany keńge salýǵa bolmaidy. Áli de atqaratyn sharýa kóp", - dedi Prezident Joldaýynda.
Aita keteiik, búgin Prezident Qazaqstan halqyna Joldaý jariialap jatyr.
