Úkimettiń keńeitilgen otyrysynda prezident Toqaev ShQO ákimine Semei qalasyn damytýǵa erekshe kóńil bólýdi tapsyrdy, dep habarlaidy Dalanews.kz.
"Meniń sheshimim boiynsha Semei qalasyna tarihi ortalyq mártebesi berildi. Bul jái ataý emes. Sonyń aiasynda osynaý tarihi qalanyń turǵyndary Úkimet tarapynan ózderine kóńil bólinip jatqanyn naqty sezinýi kerek. Bul mindetti oidaǵydai oryndaisyz dep senemin", – dedi Toqaev ShQO ákimine qarata.
Shara barysynda prezident budan buryn ákimdermen, onyń ishinde Danial Ahmetovpen júzdeskenin, osy kezdesýde óńirdiń áleýmettik-ekonomikalyq damýyn talqylaǵanyn atap ótti.
"(Shyǵystyń red.) kórsetkishi jaman emes. Buqtyrmanyń ústinen kópir salamyz dep kelistik. Bul jergilikti halyqqa da paidasy tier, óńirge investitsiia tartýǵa septesetin áleýmettik mańyzdy joba bolady. Iske kirise berińizder", – dedi Toqaev.
