ۇكىمەتتىڭ كەڭەيتىلگەن وتىرىسىندا پرەزيدەنت توقايەۆ شقو اكىمىنە سەمەي قالاسىن دامىتۋعا ەرەكشە كوڭىل ءبولۋدى تاپسىردى، دەپ حابارلايدى Dalanews.kz.
"مەنىڭ شەشىمىم بويىنشا سەمەي قالاسىنا تاريحي ورتالىق مارتەبەسى بەرىلدى. بۇل ءجاي اتاۋ ەمەس. سونىڭ اياسىندا وسىناۋ تاريحي قالانىڭ تۇرعىندارى ۇكىمەت تاراپىنان وزدەرىنە كوڭىل ءبولىنىپ جاتقانىن ناقتى سەزىنۋى كەرەك. بۇل مىندەتتى ويداعىداي ورىندايسىز دەپ سەنەمىن"، – دەدى توقايەۆ شقو اكىمىنە قاراتا.
شارا بارىسىندا پرەزيدەنت بۇدان بۇرىن اكىمدەرمەن، ونىڭ ىشىندە دانيال احمەتوۆپەن جۇزدەسكەنىن، وسى كەزدەسۋدە ءوڭىردىڭ الەۋمەتتىك-ەكونوميكالىق دامۋىن تالقىلاعانىن اتاپ ءوتتى.
"(شىعىستىڭ رەد.) كورسەتكىشى جامان ەمەس. بۇقتىرمانىڭ ۇستىنەن كوپىر سالامىز دەپ كەلىستىك. بۇل جەرگىلىكتى حالىققا دا پايداسى تيەر، وڭىرگە ينۆەستيسيا تارتۋعا سەپتەسەتىن الەۋمەتتىك ماڭىزدى جوبا بولادى. ىسكە كىرىسە بەرىڭىزدەر"، – دەدى توقايەۆ.
