Qazaqstan prezidenti Qasym-Jomart Toqaev áielder isteri jáne otbasy-demografiia saiasaty jónindegi komissiia quramyn ózgertti. Qaýly Aqorda saitynda jariialandy.
Komissiiadan shyǵyp qalǵandar arasynda Qazaqstannyń burynǵy prezidenti Nursultan Nazarbaevtyń áieli Sara Nazarbaeva da bar.
Buǵan qosa, Qazaqstan adam quqyqtary jónindegi ýákil Elvira Ázimova, "Qazposhta" direktory Aida Ábibýllaeva, skripkashy Aiman Musaqojaeva, "Otbasy banki" basqarma tóraiymy Lázzat Ibragimova jáne basqalary komissiiadaǵy jumysyn toqtatty.
Prezident olardyń ornyna komissiianyń jańa múshelerin usyndy. Komissiia tóraiymy qyzmetine prezident ákimshiligi jetekshisiniń orynbasary Aida Balaevany taǵaiyndady.
Bunyń aldynda komissiiany basqarǵan Lázzat Ramazanova orynbasar qyzmetine tústi.
81 jastaǵy Sara Nazarbaeva sońǵy jyldaryna kópshilik aldyna kóp shyqpaidy.
"Bóbek" qaiyrymdylyq qorynyń negizin qalaýshy kúieýi Nursultan Nazarbaevpen birge resmi sharalarǵa, shetelge saparlarǵa barmady. Elde bul ekeýi birge turmaidy, Nazarbaevtyń jańa otbasy bar degen sybys taraǵanyna kóp boldy. OCCRP uiymynyń jýrnalistik zertteýinde 40 jastaǵy Ásel Qurmanbaeva eks-prezidenttiń "resmi emes áieli" ekeni aitylǵan.
