Prezıdent Qasym-Jomart Toqaev Respýblıka kúnine arnalǵan saltanatty jıynda el azamattaryn ulttyq merekemen quttyqtap, bul kúnniń tarıhı mańyzy zor ekenin atap ótti.

"Elimizdiń eń basty merekesi – Respýblıka kúni qutty bolsyn! Ulttyq meıram qarsańynda dástúrge saı Aqorda tórinde memleketimizdiń úzdik azamattarymen jınalyp otyrmyz", – dedi Memleket basshysy.

Prezıdenttiń aıtýynsha, bıyl elimiz azattyqtyń 35 jyldyq mereıli belesine jetti. Dál osy kúni Qazaqstannyń Egemendigi týraly deklarasıa qabyldanyp, ǵasyrlar boıǵy memlekettilik dástúr qaıta jańǵyrǵan edi.